Isikél 1:24 - Udél Dwata: Gna Kesfasad ne Lomi Kesfasad

²⁴ Ke móyóng le, yóm uni lefluk le hol lómón ke luk yóm hikong bong ne lómón ke udél yóm Dwata laen dù là gbeken du, ne lómón ke hensag yóm tey sendalù wen. Ke là bud le móyóng tódô bud sentifes le se yó kem hafak le.

Isikél 1:24 Referans Kwoze

Danyél 10:6

Yóm lówóhen, hol lómón keslinangen yóm botu alì mebtes. Yóm lem uyóhen, hol lómón keslinangen kal silà. Yóm lem matahen hol lómón ke dilóf solok. Yóm sigelen ne tihen hol lómón ke tembaga deng hló. Yóm udélen, hol lómón kbuleng udél yó kem tey tau sbung.

Deng Hegfan 1:15

Ne yóm tihen lómón ksinangen yóm blówón lomi olo. Ne yóm udélen, hol lómón ke lungkul yóm tey hikong.

Deng Hegfan 19:6

Ominu bud mungol yóm tey genged udél tau, hol lómón ke lungkul yóm tey hikong, ne hol lómón ke yóm tey lugung. Yó udél le, mon le, “Hol dóyón tekuy dé Dwata. Deng duhen ni ne yóm kkamalen yóm klamangen yóm Dwata gónó tekuy mogot, yóm laen dù là gbeken du.

Kem Lingón 68:33

Semngal ye ebè yóm Dwata wen snakayen gel mlan bè yóm longit là sekna. Ke mudél, hol lómón ke lemték gu bè longit.

Kem Lingón 18:13

Heték Dwata gu bè longit, mensag yóm Dwata hol dandónen geta.

2 Bok Kem Tau Hol Geta 7:6

Abay se deng le gotu mlóy yó kem sendalù Aram lan Dwata hfungol du kul yó kem tey uni klitun tók ne legdeg yó kem kudà, ne uni yó kem tey sendalù wen. Yó mon le, “Deng wen tinok yóm tau hol geta bè Israél mò mundug tekuy. Tinoken yó kem tau hol geta bè yó kem tau Hitayt ne yó kem geta bè Idyip, mung kul yó kem sendalù le.”

Isikél 3:13

Anì monem yóm gungolu yó koni lefluk yó kem mowil ne lungkul yó kem kliling le.