Isikél 1:22 - Udél Dwata: Gna Kesfasad ne Lomi Kesfasad

²² Wen tonu hol lómón ketef sminang bukay kmoen mból ta le lómón kból longit.

Isikél 1:22 Referans Kwoze

Deng Hegfan 4:6

Bè yóm seblà gónón e smolu yóm bangkù yó, hol lómón ke wen yóm tey mohin tikaw nô bè yó. Lómón ktikawen yóm sobuy molung. Ne wen yóm fat mtulus tonu mdà hilol yóm gónón myón yóm fen kmamal yó, bede hono mata klamang lówó le.

Isikél 1:26

Fi ta yóm ketef sminang bukay yó wen tonu lómón ke bangkù gónó myón kmamal nô du, nmò le lemwót bè yóm botu ginggung alì sminang. Ne wen tonu lómón tô tau myón tahen.

Deng Hegfan 21:11

Tódô sminang lemwót bè yóm tey layag Dwata. Lómón keslinangen yóm sotu botu mebtes boluyen dyaspér, yóm botu hol lómón ke sobuy molung ktikawen.

Deng Hegfan 4:3

Yóm ktonu du, tódô sminang lemnaw ne hulô, lómón ksinangen yó kem botu dyaspér ne karnilyan. Ne wen tey léwés sminang lemnaw hilolen, lómón ksinangen yóm botu éméral.

Kehewà 24:10

ne bè yó ton le yóm kul Dwata yó kem tau Israél. Yóm gónóhen mdà tey sminang, lómón kenawen longit bede tey mtataw.

Isikél 1:25

Yóm igò le mdà, wen gungolu mudél lemwót ta yóm ketef sminang bukay nô ta le.