Isikél 1:18 - Udél Dwata: Gna Kesfasad ne Lomi Kesfasad

¹⁸ Tey kehtawu du yóm kegeta le eta, bede tódô hono mata hilolen.

Isikél 1:18 Referans Kwoze

Deng Hegfan 4:8

Sket kul na nem hafak le. Tódô henok lówó le hono mata, balù laan hafak le. Tódô seflós kdaw ne kifu yóm tendo kesngal le. Yó utóm sngal le, monen, “Laen kô dù belenen yóm Dwata, bà udì. Du se hol gónó mogot bè klamangen, yóm laen dù là gbeken du. Bud du se yóm sana Dwata tenbut bè kbuten efet nim kmoen ni, ne du se yóm móyónen bud sut.”

Deng Hegfan 4:6

Bè yóm seblà gónón e smolu yóm bangkù yó, hol lómón ke wen yóm tey mohin tikaw nô bè yó. Lómón ktikawen yóm sobuy molung. Ne wen yóm fat mtulus tonu mdà hilol yóm gónón myón yóm fen kmamal yó, bede hono mata klamang lówó le.

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

Isaya 55:9

Lómón keslayuk tonok yóm longit seglafin bud lómón yó se keslayuken bélê ye yóm dou kehedem ne yóm dou kmò.”

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.