Isikél 1:16 - Udél Dwata: Gna Kesfasad ne Lomi Kesfasad

¹⁶ Ni kem fat kliling ni hono skél ne sket kul sminang, lómón keslinang yóm botu alì mebtes. Yó kem fat kliling yó, bud wen kliling blekel lemen ket kul na sotu.

Isikél 1:16 Referans Kwoze

Danyél 10:6

Yóm lówóhen, hol lómón keslinangen yóm botu alì mebtes. Yóm lem uyóhen, hol lómón keslinangen kal silà. Yóm lem matahen hol lómón ke dilóf solok. Yóm sigelen ne tihen hol lómón ke tembaga deng hló. Yóm udélen, hol lómón kbuleng udél yó kem tey tau sbung.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Sulat Pol Ebè Yó Kem Tau Hemtahu Bè Rom 11:33

Laen kô bang gónó tekuy e hmingón du yóm alì kehyuhen yóm Dwata. Tey nelem yóm ketngónen, ne tódô ket yóm kenhulungen. Laen kô dù tau gembek tmulón du yóm kun kehedem, ne laen se dù tau gembek gmileb du yóm kun kmò.

Kem Lingón 40:5

Deng tey dê ne yó kem hentaw ton nmoem bélê me, Dwata. Uu se yóm Dwata gónó me mogot, laen kô dù semnged kóm. Deng tey wen kem atul knóón nmoem bélê me, là kô gbeku msó kul, tey le wen.

Kem Lingón 36:6

Yóm kóm ktedeng, hol lómón kbegelen yó kem bulul lembang. Yóm kukum tedeng nwitem, hol lómón kngelemen mohin. Tey gel kesgifaem kul, Dwata, yóm kdéen tau kkólen bè yóm kdéen ógóf.

Danyél 7:9

Yóm igou temngel, wen kem bangkù gónó myón kmamal sù le bè yó ne myón tahen yóm Tuha Laen Dù Buten nan e kmukum. Yóm nesen ne yóm weken hol lómón kbukayen snu, hol bukay bè kdéen. Yóm bangkù gónón myón kmamal hono dilóf ofi, là skasen tendo dmilóf yó kem klilingen.