Isikél 1:13 - Udél Dwata: Gna Kesfasad ne Lomi Kesfasad

¹³ Yó kem mowil yó, wen tendo dmilóf bélê le lómón ke bala ofi kemyóngón, duhen ke lómón yóm solok nit mógów alì mtataw. Bè ktonu du hol lómón ke wen silà mkal lem blóng le.

Isikél 1:13 Referans Kwoze

Deng Hegfan 4:5

Ne là skasen tendo smilà lemwót bè yóm bangkù gónón myón yóm fen kmamal, sen-gengen se lemungkul ne lemték. Ne wen hitu solok lómón tô solok lunay tonu tendo lemtom bè solu yóm gónón myón yóm fen kmamal. Yó hnigaden yóm hitu solok lemtom yó, duhen yóm hitu kay kfasang yóm Tulus Dwata.

Kem Lingón 104:4

Lenos se mò fen gel hógówem, ne yóm silà, yó se mò tóbóng lówóhem.

Deng Hegfan 18:1

Kogolen bè yó, bud tonu yóm sotu hógów Dwata htuntun gu bè longit. Nim hógów Dwata ni, tey wen kfasangen, ne tódô gbeken hlayag klamangen tonok lemwót bè yóm tey keslinangen.

Deng Hegfan 10:1

Ominu yó mton yóm sotu hógów Dwata alì kemgis htuntun gu bè longit. Tódô nô lem yóm tey lobun, ne lenéwés hilol kuluhen, ne lem uyóhen hol lómón mata kdaw, ne yóm tihen lómón ke hehek lenébéd dilóf.

Matyu 28:3

Tey mnóng lem uyóhen yóm hógów Dwata yó, hol lómón ke mkal silà, ne tey sminang bukay yóm nesen.

Isikél 1:7

Yóm ti le tódô tedeng lómón ti tau. Okóm yóm hólól ti le lómón kmasing ngà safì, bede tey sminang hol lómón keslinang le yóm tembaga deng hló.

Tekang Kbuten 15:17

Timbow deng lemneb kdaw ne deng kifu, tódô ton Abram yóm kkuleng ofi tendo kmebel ne wen solok mung du mlan gu lem blóng yó kem ógóf sendolol hlasaen bè yó.

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Danyél 7:9

Yóm igou temngel, wen kem bangkù gónó myón kmamal sù le bè yó ne myón tahen yóm Tuha Laen Dù Buten nan e kmukum. Yóm nesen ne yóm weken hol lómón kbukayen snu, hol bukay bè kdéen. Yóm bangkù gónón myón kmamal hono dilóf ofi, là skasen tendo dmilóf yó kem klilingen.