Isikél 1:10 - Udél Dwata: Gna Kesfasad ne Lomi Kesfasad

¹⁰ Yóm ket kul na sotu yó kem mowil yó wen fat kay uyó le. Ke smolu le uyó tau, bè kwanan le uyó liyun ne bè iwóng le uyó safì tudu ne ke kmogol le uyó banug.

Isikél 1:10 Referans Kwoze

Deng Hegfan 4:7

Yó kmoen yóm tanay tonu, lómón ke liyun. Yóm gewuhen, lómón ke safì. Ne yóm getluhen, hol lómón lem uyó tau. Ne yóm gfaten, hol lómón ke banug tolo móyóng kmoen.

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”

Kun Snulat Luk 15:10

Tódô tulónu kuy,” mon Jisas, “hol lómón yó se kehligal yó kem hógów Dwata nô bè longit ke hegsel yóm sotu tau gemsalà.”

Danyél 7:4

Yóm tanay ógóf lóbô tonu hol lómón ke liyun, bede wen hafaken lómón tô hafak banug. Yóm igou temngel, tódô wen kemtos kemdut du yóm hafaken ne tódô hdà le eta bè tonok yóm lewu tihen lómón kdà tau ne wen nawa tau blay le du.

Isaya 46:8

Hentulón ye nawa yóm ni yu kem tau gemsalà. Tennef ye dé yó kem deng tehe nmou.

Isaya 40:31

Okóm yó kem tau són ken-gel nawa le yóm któbóng Dwata kul, tódô senflós Dwata tendo hulék kgis le. Hol lómó angat kmò le lómón yóm klinggel kóyóng yó kem banug. Ke mlóy le, là kô le mahil mubas. Ke tmonok le, là kô le mahil miteg.

Kem Udél Hlalak Tehe Selumun 14:4

Là kóen meglem yóm fol sok laen dù ógóf mò nmò, okóm ke wen ógóf mò nmò, gengón se ken gefet.

Job 39:27

Dalang se yóm banug nahen nangat udélem he kô, ominen móyóng etu etta na a mò sala ditu ta yó kem léhék?

Kmukum 14:18

Ne bè yóm ghituhen kdaw gu laanen là deng sdef kdaw, sut le bè Samsun yó kem logi bè yóm syudad yó, mon le mò du, “Tedu se mi senta tneb? Tedu se kemgis senta liyun?” Bnalà Samsun lu, monen, “Ke là deng hdadu ye du yóm dou ngà safì libun, là kô tngón ye du lanen yóm ngedu.”

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

Isikél 1:6

Okóm yóm ket kul na sotu, sal fat uyó le ne fat se hafak le.