Isikél 1:1 - Udél Dwata: Gna Kesfasad ne Lomi Kesfasad

¹ Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Isikél 1:1 Referans Kwoze

Deng Hegfan 19:11

Ominu yó mton yóm longit tódô hnas. Ne wen tonu kudà bukay mdà bè yó, ne wen smakay tahen. Yó boluy yóm smakay tahen, Gsalig ne Tahu. Tey tedeng yóm kkukumen tau ne tedeng snéen yóm kesfatayen yó kem hohonen.

Kul Nmò 7:56

Mon Stéfén mò kul, “Tenngel ye dé. Tódô hnas longit. Tu dé yóm Ngà Tau mdà bè kwanan Dwata.”

Matyu 3:16

Timbow hahun gu lem él Jisas, tódô henmungen hnas bè longit, ne tódô tonen se yóm Tulus Dwata htuntun etahen gu bè longit, hol lómó kmoen obun, ne tódô mdef béléen.

Kul Nmò 10:11

Ton Pitér longit tódô hnas. Ne tonen yóm lómón ke kumù bong hloyol le elaan, hol lómón ke wen mogot du bè sfatà kililen.

Kun Snulat Luk 3:21

Timbow deng kehbabtays le ke Jan yó kem tau, omin Jisas sut se kun nan e hbabtays du. Timbow deng yóm kehbabtaysen, ominen mni bè Dwata, ne tódô henmungen se hnas longit,

Deng Hegfan 4:1

Kogolen yóm yó koni, bud wen tonu. Tódô tonu hnas yóm sotu bak dól bè longit. Ne bud mudél se yóm tehe mudél ebéléu, yóm lómón uni féw bong udélen, monen mò do, “Mógówi edini kun, naw e tolok kóm yó kem sut hulin kdaw.”

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

Isikél 3:23

Tahu se, mógówe etu bè datal ne bè yó bud tonu yóm tey keklóón Dwata, hol lómón kmoen lómón yóm tehe ktonu du ditu bè kilil Él Kibar. Botonge gefen bè tonok yóm ktonu du.

Isikél 1:3

Bè yó bè kilil Él Kibar bè Babilun, wen udél Dwata ebéléu ne tódô gnómu yóm kogot Dwata do, ou Isikél yóm ngà Busi logi yóm Busi gel blóng tau ebè Dwata.

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

2 Kurin 12:1

Ni mò sfu yóm tô kudélu heklabak, balù yóm klaen dù hol muhen. Tulónu kuy yóm deng tódô hegfanen béléu yóm gónó tekuy mogot.

Mark 1:10

Timbow hahun gu lem él Jisas, tódô tonen hnas longit, ne tonen se yóm Tulus Dwata htuntun etahen gu tta, hol lómó kmoen obun.

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

Isikél 3:15

Huléken o ebè yó kem tau Juda deng negef nô bè Tél Abib bè kilil Él Kibar. Botong hitu kdawu myón lem blóng le bè yó, là kóe gudél lemwót bè yóm deng tonu ne bè yóm deng gungolu.

Kehewà 24:10

ne bè yó ton le yóm kul Dwata yó kem tau Israél. Yóm gónóhen mdà tey sminang, lómón kenawen longit bede tey mtataw.

Tekang Kbuten 46:2

Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

Kul Nmò 10:3

Sotu kdaw bè yó, deng dô tlu uras kimel, wen hógów Dwata gu bè longit tódô hegfan béléen, tey mdengen ktonen du. Mudél ebéléen yóm hógów Dwata yó, monen, “Ó Kurnilyus.”

Matyu 17:9

Bud kewót le bè yó, mulék le mosol. Tey kget kmon Jisas du mò kul, “Hol bê ye tagad tulón yóm deng ton ye yó koni ke là nan na mowil yóm Ngà Tau.”

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Kun Snulat Luk 3:23

Deng tlu folò ne halay Jisas yóm kbuten mò du yóm nmoen. Bè kul khedem du yó kem tau, Jusif yóm hol kun mà. Yóm Jusif, ngà Hili.

Isaya 6:1

Bè yóm halay katay yóm tau hol geta bélê me boluyen Usiya, tódô tonu Dwata myón bè yóm gónón myón kmamal, tey kegetahen. Yóm nes tahà gedyol huli du klóón yóm alì kegetahen, botong gefet bè doli yóm Gónô gónóhen nô yóm ktahaen.

Kem Lingón 137:1

Myón me bè kilil yó kem él bè Babilun. Tey kkik me bè yó, gtulón bè nawa me Sayun yóm kum benwu.

Jirimaya 29:15

Yó udél Jirimaya, monen, “Ofo kuy mon du ke wen kem tugod Dwata suen bélê ye bè yó bè Babilun, okóm là.