Isaya 9:6 - Udél Dwata: Gna Kesfasad ne Lomi Kesfasad

⁶ Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Isaya 9:6 Referans Kwoze

Kun Snulat Luk 2:11

Deng sut kifu ni bè benwu yóm tehe Dabid yóm tau angat lemwà kuy gu lem hatay. Du se Krays, yóm gónó ye mogot.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Isaya 53:5

Okóm tódô lemwót bè salà tekuy yóm gónón hnalì yó. Ne lemwót bè ksidek nmò tekuy gónó le alì hemsidek mfes du. Fen tekuy tódô hyu lemwót bè yóm alì sidek ktafak le du. Gotu mkó ta tekuy yóm kdéen sidek lemwót bè yóm alì sidek kfes le du.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

1 Kurin 15:25

Bede là tagad nmoen du he yóm yó ke là nan na gotu ndà kul elaan yó kem hmohon du.

Kem Lingón 45:6

Yóm gónóm myón kmamal, laen dù tul sónen yóm deng keblay Dwata du kóm. Tey tedeng yóm kogotem yó kem kóm tau.

Isaya 10:21

Angat wen he bè yó kem tau Israél bud semfulék ebè yóm kul Dwata laen dù là gbeken du yó.

Kmukum 13:18

Ne yó balaen du yóm hógów Dwata yó, monen, “Moen du ke snólókem boluyu? Baluen ke tulónu kuy, là kô glileb ye du.”

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Hibru 1:8

Okóm tólóng se udél Dwata ebè yóm hol Ngaen. Tehe monen mò du, “Ó Dwata, laen kô dù nan e són yóm kogotem tau. Tey tedeng yóm kogotem kul.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Matyu 11:27

Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Dwata 10:17

Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.

Taytus 2:13

Ni se hol nmò tekuy yóm igò tekuy semsangat du yóm kdaw hendón nefet nawa te, duhen yóm kdaw kesfuléken edini Jisas Krays, yóm Dwata tekuy, yóm deng lemwà tekuy gu lem hatay. Angat hol gfan bè yóm kdaw yó yóm alì kegetahen.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Kun Snulat Jan 1:16

Deng tekuy gotu gomong lemen ne yóm tey klinggel nawahen ebè tau. Yóm któbóngen tekuy, tódô seflós, là kóen skó.

Kun Snulat Luk 1:35

Yó bud mon yóm hógów Dwata mò du, monen, “Angat sù Dwata béléem yóm Tulusen, ne yóm kfasang Dwata fen hemlan du béléem. Yó gónóm mon, mólós nim ngà angat sut ni, ne angat boluy le du Ngà Dwata.

Kem Lingón 72:7

Klawihen mowil, yake tendo temnù ktedengen yóm kogoten benwu, ne yake laen dù sónen yóm kehyu klowil yó kem tau knamalen, lómón yóm klaen dù són yóm bulón.

Kulasi 2:3

Du se henged kunsì mò lemungkà du yóm tey hyu deng fan Dwata tekuy lemwót bè yóm tey khulungen hedem ne yóm tey ketngónen.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Kem Udél Hlalak Tehe Selumun 8:23

Gu laanen là deng wen benwu he deng sana yó ne nim ou.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Isaya 53:10

Yó udél yóm Dwata hol gónó mogot, monen, “Tódô lemwót bè dou kóyô yóm keglayamen yó. Yóm katayen, yó se yóm hol dsù mò lanu hmifót salà. Kogol yóm katayen yó, angat tonen yó kem semfu gu béléen, duhen yó kem hemtahu du ne angat tahà klowilen. Ne mlan béléen gónón dohò yóm dou atul.

Isaya 53:2

Bè yóm kenoken lem blóng me yóm tau tóbóng lówó Dwata yó, hol lómón yóm ngà hulu tmowok bè yóm gónón alì mékéng tonok. Laen dù kegeta ton me béléen, duhen ke wen ktiloben mò kenteng mata tau béléen. Laen dù bang alì hentaw me béléen mò gónón gmung nawa me.

2 Kurin 5:19

Yó gel tulón me, duhen yóm deng kehlan Dwata du bè Krays yóm lan nmoen ebè kdéen tau mò lan le mit sefyu ebéléen. Là bud snolò Dwata du bélê le ne yó kem tehe salà le. Ne bélê me kum, deng sigangen ta me nim tulón ni mò gónó le temngón du yóm lan le mit sefyu ebéléen.

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Kem Lingón 72:3

Yó hnihu béléem, Dwata, anì tilob kógów klowil le yóm kdéen tau knamalen, ne anì tedeng yóm kukum lem blóng le.

Kem Lingón 45:3

Uu se yóm sendalù alì gembek, lumakem sudengem ne. Teyi knóón, lelem alì geta.

Nihimaya 9:32

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Jirimaya 31:22

Kegenen de yóm ktabag ye kem ngau là mimón? Okóm wen yóm lomi angat nmou bélê ye kem tau Israél. Yó nmou, henbalingu yu yó kem tau wen óyô le bud mulék ebè yóm kul Dwata.”

Isaya 26:12

Ó Dwata, benlayem mi kehyu klowil. Tódô kdê yó kem deng gendeng me hono lemwót bè yóm któbóngem kum.

Isaya 26:3

Uu se, Dwata, bemlay du yóm tahu kenek nawa bè yó kem tau hol nô bè nawa le mimón kóm, yó kem tau hol smalig béléem.

Kem Lingón 85:10

Deng le slomong ne yóm kbong nawa là monolen ne yóm ktahuhen. Deng le sebkes yóm tedeng ne yóm kenek nawa.

Kem Lingón 72:17

Yake laen dù kmifót du boluy yóm tau hol geta bélê me, ne anì laen dù tul sónen yóm któtólen, lómón yóm klaen dù tul són yóm nóng kdaw. Yóm kdéen dumu benwu, yake gotu le mni bè Dwata anì tnóbóngen lu, lómón yóm gel któbóngen yóm tau hol geta bélê me.

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.

Isaya 8:18

Ni ou, mung do yó kem ngà deng blay Dwata do. Yóm klowil me hol lómón ke tulón gdek lem blóng yó kem tau Israél, yóm tulón hwit yóm Dwata laen dù là gbeken du, yóm Dwata myón bè yóm gónón kmamal bè bulul Sayun.

Matyu 1:1

Ni se kmò kestugoden yóm gónó Jisas Krays gu semfu bè yóm tehe kehbalingen tau. Semfu gu bè yóm tehe Dabid. Ne ke Dabid, sfu yóm tehe Abraham.

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Hagay 2:9

Nim lomi Gónóu ni, angat tey knóón senta yóm gnan. Lemwót bè yóm bud kehdà ye du, yó se gónón lemwót yóm keblayu kuy kehyu klowil ne kenek kbenwu.” Ni se udél yóm Dwata laen dù là gbeken du, yóm Dwata hol gónó mogot.

2 Samwél 7:13

Du se angat hemdà du yóm dou gónô, yóm gónô mit du yóm dou boluy. Ne angat hbegelu yóm kogoten benwu ne laen dù tul sónen.

2 Samwél 7:16

Yóm kogotem benwu efet kól bè yó kem sfuhem, laen kô dù sónen bè soluhu, ne tey mbegel yóm kegeta ye.’ ”

1 Bok Kem Tau Hol Geta 2:33

Hol laen dù tul sónen kbô Juab du ne dalang se yó kem tau semfu gu béléen yóm katay ni kem tau ni. Ne laen dù sónen snéen yóm khenek Dwata nawa Dabid ne yó kem tau semfu gu béléen dalang se yóm tau myón bè yóm kun gónó myón kmamal.”

1 Bok Kem Tau Hol Geta 2:45

Okóm Dwata he hol tmóbóng do, ne hol hemdohò du anì tendo wen bè yó kem sfu Dabid stufì myón bè yóm kun gónó myón kmamal.”

1 Bok Kem Tau Hol Geta 10:9

Hol megdóyón Dwata yóm sana kóm Dwata hol gónó mogot. Deng hegfanen yóm tey kehyu nawan ebéléem bè yóm kehbalingen kóm tau hol geta bè Israél. Lemwót bè yóm klaen dù sónen yóm kbong nawa Dwata yó kem tau Israél, nmoen uu mò tau hol geta bélê le anì wen kukum tedeng lem blóng le.”

Kem Lingón 45:7

Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.

Kem Lingón 89:5

Ó Dwata, kdê yó kem gel nô bè yó kem longit seglafin, gotu le semngal. Utóm sngal le yóm kdê hyu gel nmoem, ne yóm là konol nawahem.

Isaya 11:5

Sal hlanen bè ktedengen ne bè ktahuhen yóm kogoten tau.

Isaya 32:1

Bè hulin kdaw angat wen tau hol dandónen geta laen dù kéngen mogot klamang benwu. Ne yó kem smugung béléen, hono tau tedeng kwit le kukum.

Isaya 37:32

Tolo wen he dù tau mowil bè yó kem tau nô bè Jirusalim yóm kmoen ni ne bè bulul Sayun. Yó se yóm deng olu Dwata kul yóm Dwata laen kô dù là gbeken du.

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.