Isaya 9:4 - Udél Dwata: Gna Kesfasad ne Lomi Kesfasad

⁴ Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Isaya 9:4 Referans Kwoze

Isaya 14:25

Yó angat nmou, genlau yó kem tau Asirya bè dou benwu Israél. Angat gotu ndau lu elaan bè yó kem dou bulul. Angat kóhu bè yó kem dou tau yóm blat alì htihang le kul yó kem tau Asirya. Angat henwósu bélê le yó kem blat tendo gel hbô le kul.

Jirimaya 30:8

Yó bud udél yóm Dwata laen dù là gbeken du, monen, “Bè yóm kdaw yó gotu tenfoku yóm yok nô bè lihol yó kem dou tau ne gotu lenkasu yóm kdina fét le. Là kô le bud ghesek bè yó kem tólóng tau.

Nahum 1:13

Yó nmou ni, angat lenwau yu lem hólól yó kem hohon ye ne hentohu bélê ye yóm kedina fét le kuy.”

Isaya 54:14

Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.

Isaya 49:26

Yó angat nmou bè yó kem tau hemgnok kuy, tódô senfatayu lu honon lu. Tódô le sbonok honon lu. Lemwót bè yóm alì sidek kebut le là kô tngón le du yóm nmò le, lómón yó kem tau lengel là kô tngón le du yóm nmò le. Bè yóm kehewau yóm kdéen tau bè klamangen benwu gónó le temngón du ou yóm hol Dwata gónó mogot, yóm msok kuy ne yóm lemwà kuy. Angat tngón le ou se yóm Dwata yó kem tau Israél, yóm laen kô dù là gbeken du.”

Tekang Kbuten 27:40

Són olo gónóm mowil, són bè sudengem ne balingi tóbóng lówó yóm twolihem. Okóm bè yóm kdaw katuem du angati gewà lem hólólen.”

Isaya 10:5

Yó udél Dwata, monen, “Yó kmou yó kem tau Asirya, hol lómón ke bogul kulóngu mò bogulu yó kem dou tau Israél lenbutu.

Kem Lingón 125:3

Yó kem tau gel mò sidek, là kô senflós le du kmamal du yóm kul benwu yó kem tau tedeng. Ke yó nmò le, déke gbót le mò sidek se kul yó kem tau tedeng nmò le.

Kem Lingón 81:6

“Henwósu ta abal ye yó kem blat nbô ye. Kóhu lem tdok ye yó kem nmò alì blat.

Isaya 9:5

Angat gotu mlób bè ofi tlumfà yó kem sendalù tô gemlà kul yó. Ne yó kem nes le tódô tfeng litô, gotu mlób snéen.

Isaya 52:2

Mdai dé, Jirusalim, kenfungem knóem, béi bud myón lem kfung. Myóni bè yó dém gónóm myón kmamal. Lenkas ye yóm tehe kedina le kuy, yu se kem tau Sayun tehe negef le.

Isaya 10:16

Yó angat nmò yóm Dwata laen dù là gbeken du, angat wen des hwiten ebè yó kem tau mabù tilob kken le mò tmafak kul. Hol lómón ke wen ofi senflós mken lem lówó le.