Isaya 9:3 - Udél Dwata: Gna Kesfasad ne Lomi Kesfasad

³ Tey kligal blayem kul, Dwata. Tey kehefligalem kul. Hligal le lemwót bè yóm deng nmoem bélê le. Lómón kehligal le lómón kehligal yó kem tau muta ne lómón kehligal yó kem tau semsólól yó kem kimu negef le bè gida.

Isaya 9:3 Referans Kwoze

Kem Lingón 119:162

Ke hningónu yóm kehligalu bè yó kem fasadem do, lómón kehligal yóm tau mton yó kem kimu mebtes tehe bnos le.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Isaya 26:15

Deng tey kehlamangem du yóm benwu me, Dwata, deng gotu lenbétem gu hilol kililen. Bè ni se hol gónóhem megdóyón.

Isaya 65:18

Angat tey kehyu nawa ye ne kligal ye bè yóm nmou yó ne laen kô dù sónen yóm kligal ye yó. Yóm lomi Jirusalim nmou yó, angat tey benwu hligal ne tey kligal le yó kem tau nô lemen.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

1 Samwél 30:16

Tahu se, nwiten Dabid yóm tau Idyip yó ebè yóm gónó le kmamfù yó kem tau Amalikayt. Bè yóm kkól le Dabid bè yó ne yó kem tauhen, tolo le sekla yó kem tau Amalikayt, sekla le mken ne minum lel le madal lemwót bè yóm tey kligal le bè yóm alì kwen yó kem negef le bè yó kem Flistin ne bè benwu Juda.

Kun Snulat Luk 11:22

Okóm ke wen tau kemgis sentahen mundug du, laen kô nan e gmò. Tódô nalaw yóm tau kemgis sentahen yó kem ngom sfatay tô snaligen, ne tódô nólólen bè kem dumuhen yó kem kimu negefen béléen. Hol lómón yó se,” mon Jisas, “yóm deng nmou bè Seitan.”

Kem Lingón 4:7

Wen tey kligal blayem dou mkay senta kligal yó kem tau bong halay tbas le ne bong tifas grép le.

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Sikaraya 10:8

Ke bud tnabahu lu yó kem dou tau, gotu le bud semfulék ebéléu, yakà deng nsoku lu. Balù yóm là kwen le, angat tey kból le lómón yóm gnan.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Husiya 4:7

Ke henwenen temnù kwen yó kem tau gel semblóng tau ebéléu, henwenen se temnù yóm tendo kegsalà le béléu. Yóm tehe kegdóyón ye bè yóm klolò ye do, deng mom tles ye du yóm kyak ye lan ye lemolò yó kem dwata kéng.

Jirimaya 31:7

Ni bud udél Dwata, monen, “Hligal ye semngal gbak bè yó kem tau Israél. Mensag ye dé bè yóm kdóyón ye kul yó kem tau alì tnóbóng Dwata bè kdéen tau talak tonok. Hgel ye udél ye dmóyón kul, mon ye, ‘Ó Dwata, hol hewaem yó kem tauhem. Hol hewaem yó kem dù tebel bè yó kem tau Israél.’

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Isaya 61:7

Là bud wen gónó ye myak ne, ne laen se dù tau bud hemyak kuy. Angat ye tódô henek bè yóm kuy benwu. Tódô sónmoen temnù yóm kendengen ye ne laen kô dù sónen yóm kligal ye.

Isaya 55:12

Angat tey kligal ye bè yóm kehewà ye gu bè Babilun. Ne tey kenek nawa ye bè yóm kwit le kuy hewà. Balù yó kem bulul ne yó kem bulul lemnek, gotu le hligal semngal. Ne yó kem koyu, gotu le hligal mensag se kul.

Isaya 54:1

Ó Jirusalim, hol lómón ke tehe uu yóm libun atil laen dù ngaen. Okóm ni, holi semngal ne holi hligal hegwoy, abay se angat tey dê ngaem senta yóm libun là tnagak yehenen du.

Isaya 35:2

Hol lómón ke tódô hligal semngal ne mensag yóm benwu yó. Lómón angat ktiloben, lómón ktilob yó kem bulul bè Libanun. Yóm kehyu yóm tonoken hol lómón yóm kehyu yóm tonok bè Karmél ne Syaron. Tódô kdéen tau gotu mton du yóm tey klinggel Dwata ne yóm kegetahen ne yóm kfasangen.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.

Kmukum 5:3

Ó kem tau hol geta, hol ye hmungol. Hemklingu ye dé, yu kem tau mogot benwu, yakà naw e lemingón ebè Dwata. Lemingóne ebè yóm sana kut Dwata hol gónó mogot, yóm Dwata yó kem tau Israél.

Kul Nmò 8:8

Ya tey kehligal yó kem tau bè yóm syudad yó.

Kmukum 7:22

Bè yóm igò le mféw hilol yóm tlu latu kem tau Gidyun, yó nmò Dwata bè yó kem hohon le, gotu le stibó honon lu. Yó kem sendalù là matayen, wen se bélê le mlóy etu bè yóm benwu boluyen Bét Sita, yóm benwu moni bè Saritan ne wen se mlóy etu bè Abél Mihula, yóm benwu moni bè Tabat.

Kmukum 8:12

Lemwót yóm lewu kem tau hol geta bè Midyan le Siba lewu le Salmuna gotu le mlóy, okóm ktes Gidyun lu ne gekfóen lu. Bè yóm kekfóen kul, gotu le sekla yó kem sendalù mung yóm lewu kem tau hol geta yó lemwót bè yóm tey klangaf le.

Isaya 14:5

Deng nmò Dwata sónen ne yóm kul kfasang yó kem tau sidek kogot le.