Isaya 9:2 - Udél Dwata: Gna Kesfasad ne Lomi Kesfasad

² Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Isaya 9:2 Referans Kwoze

Matyu 4:16

Hol lómón ke tau le nô lem gónón kmifu, okóm angat wen tey layag ton le. Deng le golu elem hatay, okóm angat hlayagen ebélê le yóm layag yó.”

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Kun Snulat Jan 12:46

Yóm kógówu elem benwu,” mon Jisas, “hol lómón ke layag sut bélê ye. Yó se tau hemtahu béléu, là kóen hlós knóen lem kifu.

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Isaya 60:19

Bè yóm kdaw kehewau kóm yó, laen dù bud muhem du ne yóm nóng kdaw duhen ke nóng bulón. Abay se ou yóm gónóhem mogot mò layagem laen dù tul sónen. Yóm alì keslinangu, yó se tódô seflós mnóng ebéléem.

Kem Lingón 107:10

Wen se bè yó kem tehe tau yó ekni, geblanggù, nô le lem yóm tey gónón kmifu. Kendina le lu lem blanggù, ya tey keglayam le.

Kem Lingón 23:4

Baluen he ke mlane lem yóm hol gónón alì mget kifu, là kóe likò, Dwata, abay se elesi nô béléu. Yó se gónón menek kegnómu du lemwót bè yóm tendo kesgalakem dou ne yóm kofinem dou.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Kem Lingón 107:14

Hewaen lu bè yóm tey gónón kmifu gónó le nô. Gotu hentohen yóm kdina fét le kul.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Isaya 9:1

Tehe yu ekni tey tehe sidek kehyak Dwata du yóm benwu kul gónó nô yó kem semfu gu bè le tehe Sibulun ne Naftali. Okóm hulin kdaw bud henbaling Dwata benwu alì megdóyón. Yó angat klamangen yóm benwu megdóyón monu yó, lemwót bè kilil yóm mohin fi desdef boluyen Miditiranyan efet kól bè yóm tonok fatu él Jurdan fi dmata kdaw. Balù yóm klamangen benwu Galili, gotu gomong lemen yóm benwu gónó le nô yó kem tau sundu tau Israél du.

Amus 5:8

Igoen Dwata se mò kul yó kem blotik, yóm sotu bung blotik boluyen Pliyadis ne yóm sotuhen boluyen Urayun. Gbeken hembaling du mwas yóm kifu. Ne gbeken hembaling du kifu yóm kdaw. Du se ma du yóm él mohin ne henbalingen kulón ete tonok. Dwata yóm kun boluy.

Kmukum 5:30

‘Déke tolo sensólól le yó kem kimu negef le. Ket sendalù sotu duhen ke lewu libun mò kun. Wen kem nes alì tilob kun nwa Sisira ne wen yóm nes nsif tilob beteken mò dou.’

Kem Lingón 4:8

Tey menek kegnómu du ke gele lemwót tungô, yakà tek són uu, Dwata, gónón laen dù hemenu bè yóm ktungóu.