Isaya 8:7 - Udél Dwata: Gna Kesfasad ne Lomi Kesfasad

⁷ yó angat nmou bélê le hlusu elem blóng le yóm tau hol geta bè Asirya ne yóm kdê sendaluen na le e nundug yóm benwu Juda yó. Yóm angat kundug le, hol lómón ke mamà yóm él bong boluyen Yufratis.

Isaya 8:7 Referans Kwoze

Amus 9:5

Yóm Dwata laen dù là gbeken du, baluen ke olon temdól yóm tonok, tódô mnà ne gotu le langag kdê yó kem tau nô tahen. Lemwót bè yóm linol, tódô lemnok eta yóm klamangen tonok lómón Él Nayl bè Idyip ke bangen dmunuk, ne tódô bud mnà elaan.

Amus 8:8

Angat megsinsig yóm benwu le lemwót bè yóm sidek gel nmò le ne gotu le langag yó kem tau menwu tahen. Lemwót bè yóm tey linol, tódô lemnok eta yóm tonok bè klamangen benwu le, lómón yóm Él Nayl bè Idyip ke bangen dmunuk. Bè yóm bud kegsinsig yóm tonok yó, ominen bud mnà elaan.

Isaya 7:20

Bè yóm kdaw yó, wen tau bnayad Dwata tau lemwót fi gu fatu yóm él Yufratis, duhen yóm tau hol geta bè Asirya. Yó nmoen, hol lómón yóm tau gmunting wek gotu nkihen bnget ye ne wek ye ne bul bè lówó ye anì gotu ye myak.

Isaya 7:17

Senged se béléem, Ahas, angat wen tey gfaem se kóm, dalang se yó kem tau nogotem ne yó kem fes lówóhem. Yóm gfà monu ni, bong sidek senta yóm tehe gfà yó kem fù ye bè yóm kdaw tehe keskó le benwu Israél yóm benwu Juda nogotem. Yó angat nmò Dwata, hógówen yóm tau hol geta bè Asirya mò gmida kuy.

Tekang Kbuten 6:17

Naw na hlumfak e talak tonok yóm tey dunuk anì gotu meglà kentihen deng mowil talak tonok. Angat le gotu matay yóm kdéen nô talak tonok.

Deng Hegfan 17:15

Ne bud monen mò do yóm hógów Dwata yó koni, monen, “Yó kem él gónón myón yóm libun hdóyón yó, hnigaden yó kem tey genged tau lemwót bè ket benwu, ne bè ket but tau, ne bè ket kay udél tau.

Nahum 1:8

Okóm yó kem hmohon du, gotu hkonulen lu bè yóm tey dunuk bong. Ngangen mlo kul efet le kól lem yóm gónón alì mget kkifuhen.

Danyél 9:26

Kogol yóm fat latu bud tlu folò fat halay yó, omin le hmatay yóm tau deng nélék Dwata mò kmamal yóm klamangen ne balù udì ke wen tebelen. Ominen wen angat sut sotu tau alì mfasang mogot benwu ne yó angat nmò yó kem sendaluen, gotu genbà le yóm syudad ne yóm Gónô Dwata nô lemen. Yóm kmò kkól yóm hol són kdaw, hol lómón ksut dunuk. Angat wen gida efet kól bè sónen, mung du yóm tey keglayam tau lemwót bè yóm kegbà benwu le, yó se yóm tehe deng eles olu Dwata kul.

Isaya 59:19

Lemwót bè yó kem benwu fi dmata kdaw kól bè yó kem benwu fi desdef, gotu le likò du. Knikò le yóm alì kfasangen. Yó kmoen kul bè yóm kógówen elem blóng le, hol lómón ke dunuk yóm tey él bong, duhen ke mbel yóm hol yéen lenos bong.

Isaya 28:17

Yó henged btes mò hemtedeng du yóm nmou bè yó, duhen yóm ktedeng kogot le kukum yó kem tauhen ne yóm klaen dù kéng le.” Là gomongen bè nili yóm bérs 18 kól bè 29. Yó tulónen bè ni kem bérs ni yóm tulón Isaya gbak ebè yó kem kmamal bè Jirusalim. Lemwóten bè yóm kmò le kéng ne ksukat le, angat mekto kkól Dwata lem blóng le mung du yóm tey kebuten, hol lómón yóm deng nmoen bè yó kem hohon le. Okóm bè yóm kógówen ni, monen bè bérs 21, “Angat kól mò yóm hentaw ton là deng hnikót ton ye du. Angat kól mò gemlà yó kem kun tau.” Là gomongen bè nili yóm tsaptér 29. Bud htulón Dwata ke Isaya ebè yó kem tau bè Jirusalim yóm kdohò ktafaken kul, abay se deng du yóm hmohon kul. Deng lenibuten Jirusalim nan e nundug lu. Ke deng kundugen kul, ominen kendel bud mundug yó kem hohon le. Bè bérs 13-16, yó udél Dwata gbak ebè yó kem kun tau, monen, “Ni kem tau ni, mon le tauhu lu. Gel mon le tey nadat le ou, okóm olon són bè udél le, tey mayuk béléu yó dum nawa le. Angat dohò genlau lu yó kem tau gel bemnos atul béléu, yó kem tau gel bnos le yó kem sidek gel nmò le. Yó hendem ye, ‘Là kô tonen tekuy Dwata, là kem tngónen du he.’ Tey alì keheklabak ye nim yu! Igò sem Dwata yóm gel mifil ne du se yóm alì geta senta ye.” Dohò yóm keglà le ni kem tau lómón ni, ne angat dohò snéen yóm keglà yó kem hohon le.

Kem Lingón 72:8

Yó kem benwu knamalen, angat lenwóten doli mohin kkólen bè dolin. Bud lenwóten bè él Yufratis kkólen bè són tonok.

Kun Snulat Luk 6:48

Du se mkél bè yóm tau hemdà gónô, tey ngelem sol okol heheken, hdaen te botu. Timbow lenumfak yóm tey dunuk bong yóm gónô yó, là kóen na a kmingò, abay se deng eles mbegel kehdaen du yóm funen.

2 Bok Kem Tau Hol Geta 19:32

Yó gónóm mon, ni se bud udél Dwata gbak ebè yóm tau hol geta bè Asirya, Là kóen na a gusek elem Jirusalim, ne là gtien du bè yó, yó kem hanaken. Là se kô le na a gehloni bè bak tikeben yó kem sendaluen mogot klung, duhen ke tô le muntud tonok hilol bengen mò tô lan le e lemen.

Isaya 10:5

Yó udél Dwata, monen, “Yó kmou yó kem tau Asirya, hol lómón ke bogul kulóngu mò bogulu yó kem dou tau Israél lenbutu.

Isaya 10:16

Yó angat nmò yóm Dwata laen dù là gbeken du, angat wen des hwiten ebè yó kem tau mabù tilob kken le mò tmafak kul. Hol lómón ke wen ofi senflós mken lem lówó le.

Isaya 28:2

Ngem wen tau deng eles nélék Dwata alì kemgis mò na a mundug kul. Bè yóm kundugen kul yó, angat hol lómón ke tbó eta le yóm tey bulók kulón ne lómón ke sut yóm hol klambaden kulón bong ne lómón ke sut yóm tey dunuk mamà glumfak elem benwu.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Mika 1:9

Abay se deng tey nelem ne halì yó kem tau bè Samarya ne là bud gbek bnulung du. Balù bè Juda deng gefet ditu ne yóm hlayam yó ne balù bè bak tikeb Jirusalim, benwu gónón nô yó kem dou dumu, deng bud gefet bè yó snéen.

Mika 5:5

Ne du gónón lemwót yóm kenek kbenwu le. Ke sok nundug kem sendalù Asirya yóm benwu tekuy ne ke tódô le hlós elemen, angat wen hitu tau malak nélék tekuy mò mit kul sfatay ne wen wolu kem ngà tau hol geta malak tekuy.

Kem Lingón 46:4

Ditu bè syudad Dwata, wen él mlel lemen, gel mit kligal lem yóm kun benwu. Bè yó se gónón nô yóm kun Gónô Dwata yóm Dwata hol dandónen geta bè kdéen.

Isaya 28:15

Tey kehegmón ye du yóm deng keskotuk ye bè yóm hatay kun, anì là matay ye. Deng ye se skotuk yóm benwu yó kem tau deng matay kun, anì là gógów ye edu. Ofo kuy ke laen dù gmoen bélê ye yó kem tau mundug kuy. Són snalig ye yóm kéng ne sukat mò tô gónó ye gewà. Okóm là.

Mika 5:4

Bè yóm angat ksut yóm tau mogot benwu yó, tódô mdà lem blóng le, gotu nalaken yó kem kun tau mlan bè yóm kgis lemwót bè Dwata ne mung du yóm tey kegeta boluy yóm kun Dwata yó. Ominen yó kem tau nalaken, balù udì ke wen hemen le abay se tódô lenngeben klamang benwu yóm tey kegetahen.