Isaya 8:22 - Udél Dwata: Gna Kesfasad ne Lomi Kesfasad

²² duhen ke hmunu le ebè tonok tek són ton le, són yóm gónó le glayam ne yóm tey kkifuhen, yóm kifu wen klikò mung du. Ne laen kô dù lan le mógów elemen. Laen kô gónó le gewà du yóm tey hlayam angat gefet bélê le.

Isaya 8:22 Referans Kwoze

Matyu 22:13

Omin yóm tau hol geta yó, mdók yó kem tau gel mò nmò béléen, monen, ‘Ni nfét ye sigelen ne tihen, bot ye etu bè lewà bè gónón alì kmifu anì bè yó gónón tendo heslaf ne dmumu mkik, ne sembéhé kakim.’ ”

Matyu 8:12

Okóm yó kem Ju, yóm hol bak mfun du yóm kogot Dwata tau, là kô le gmung kul. Angat gotu tudà le lu ditu ebè yóm gónón alì kmifu, ne bè yó tendo gónó le heslaf dmumu mkik, ne sembéhé kakim.”

Sulat Jud 1:13

Ne bud le mkél bè lewók mohin ke lemnos. Sal gel wen bulok gedway ebè kililen. Hol lómón se yó ne kmò yó kem tau yó, sal gel gfan yóm ksidek gel nmò le, yóm gónó le hemyak knô le. Mkél le snéen bè yó kem blotik tabag, laen mdengen lan lolò le. Deng eles wen yóm tey benwu kmifu deng hentifes Dwata bélê le, ne laen kô dù sónen yóm knô le du.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Matyu 24:29

“Sok kogol yóm alì hlayam bè yó kem kdaw yó,” mon Jisas, “angat là buden mnóng kdaw dalang se bulón, ne angat le gotu btang gu bè longit yó kem blotik, ne là bud glolò le lesang le yó kem dumu mnóng gu bè longit.

Jirimaya 23:12

Yó gónóm mon, tey medel yóm lan lolò le ne tey sidek kkifuhen. Hetlokobu lu ne hebtangu lu. Wen heglumfaku kul ke deng bangu tmafak kul. Ou se Dwata nim mudél ni.

Isaya 9:1

Tehe yu ekni tey tehe sidek kehyak Dwata du yóm benwu kul gónó nô yó kem semfu gu bè le tehe Sibulun ne Naftali. Okóm hulin kdaw bud henbaling Dwata benwu alì megdóyón. Yó angat klamangen yóm benwu megdóyón monu yó, lemwót bè kilil yóm mohin fi desdef boluyen Miditiranyan efet kól bè yóm tonok fatu él Jurdan fi dmata kdaw. Balù yóm klamangen benwu Galili, gotu gomong lemen yóm benwu gónó le nô yó kem tau sundu tau Israél du.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Deng Hegfan 16:10

Ne lemwót yóm glimu hógów Dwata koken se kun tukung eta yóm gónón myón kmamal yóm lóbô tanay sut yó. Ne tódô baling mget kifu bè klamang benwu nogoten. Ne yó kem tau nogoten, gotu gesfà le dilak le lan le alì tendo heslaf bè yóm tenduk le.

Isaya 30:6

Ni se udél Dwata gbak ebè yó kem ógóf lóbô lem bnes bè yóm benwu fi leged là hyu menwu du, monen, “Yó kem tau hógów le mò na a mni tóbóng yó, mlan le bè yóm benwu gónó le nô yó kem ógóf lóbô, yóm gónó le nô yó kem liyun ne yó kem ulal malas ne yó kem swaga móyóng. Gotu lenulón le yó kem tey mebtes yó kem kudà ne yó kem kamél le, mò blay le bè Idyip yóm benwu là gbeken du tmóbóng kul.

Isaya 50:11

Ne yu kem tau gel natul hensideken kem dumun, angat bud mulék eta ye yóm ksidek atul ye yó. Hol hdohò Dwata yóm monu ni. Angat sidek gónón e kól klowil ye. Là gomongen bè nili yóm tsaptér 51. Yó tulónen yóm kdók Dwata ke Isaya anì nan e ten-gel nawa yóm kdê tau Israél senflós smalig bè Dwata ne mimón du balù yóm tolo keglayam le bè yóm kegef le kul. Yó mon Isaya mò kul là buden legen ne yóm kehefewà le kuy. Angat ye gotu bud semfulék ebè Jirusalim, ne bud ye gotu semngal yó kem sngal kligal, yóm kligal kól bè laen tul sónen. Yó monen bè bérs 22-23, “Ni se yóm udél yóm Dwata hol dandónen geta, yóm kuy Dwata gel mofin kuy, monen, ‘Ngem, kóhu bélê ye yóm alì keglayam ye. Là bud ye glayam du ne yóm kebutu kuy. Deng hlanahu ne. Okóm angat hnayamu lu yó kem gel hmayam kuy. Angat hegnómu yó kem tau gel mdà kuy elem tonok.’ ”

Isaya 59:9

Yó udél yó kem tau, mon le, “Deng tngón me ne gónó Dwata là lemwà kum gu lem tdok yó kem tau hemgnok kum. Hendeen me ke wen hlayag du yóm lan me, okóm laen dù ton me, tódô hono kifu.

Kehewà 10:21

Omin Dwata bud mudél ebè Musis, yó monen mò du, “Hdaem eta bè longit sigelem anì sut bè klamangen Idyip yóm tey kifu mget.”

Kehewà 10:22

Tahu se, hdà Musis eta bè longit sigelen ne botong tlu kdawen mò du kmifu mget bè klamangen Idyip.

Isaya 50:3

Gbeku tódô hget du kifu gu talak kmawang. Yóm kifu mget yó, hol lómón ke lenangagen yó kem tau deng matay.”

Isaya 60:2

Yó kem dumu benwu hmilol kóm, tey kifu mget bélê le. Okóm kóm, mnóng etahem yóm tey layag Dwata. Lemwót bè yóm eles knóen béléem, yó gónón nô béléem yóm kun keslinang.