Isaya 8:21 - Udél Dwata: Gna Kesfasad ne Lomi Kesfasad

²¹ Bè yóm kdaw angat keglayam le, yó nmò yó kem tau sónmò le mógów. Tey sidek keblat nawa le ne tey sidek kbitil le. Lemwót bè yóm kbitil le ne bè yóm kebut le yó gónó le hemtolo yóm tau hol geta bélê le ne gomong hentolo le Dwata snéen. Baluen ke temngel le eta bè longit,

Isaya 8:21 Referans Kwoze

Kem Udél Hlalak Tehe Selumun 19:3

Lemwót bè yóm kun kbook yóm tau gónón gbà klowilen, ewenem sana kehnuléken ke Dwata.

Jirimaya 52:6

Bè yóm gesyómen kdaw bè yóm gfaten bulón bè yóm gesfoloen halay kogot Sidikaya benwu, laen kô dù bud ken le. Ya tey sidek kbitil le yó kem tau nô lem yóm syudad.

Jirimaya 14:18

Ke mógówe ebè yó kem tonok gónóhu mò hulu, tódô tonu yó kem lówó tau deng hnatay yó kem hohon le. Ke mógówe ebè yó kem syudad, tódô tonu yó kem tau deng matay lemnus. Ne yó kem tau gel tmugod lem blóng le ne yó kem tau gel blóng ebè Dwata, tódô henlel le mò du yóm nmò le, okóm là kô tngón le du yóm nmò le yó.”

Job 2:9

Yó mon yehen Job mò ke Job, “Tolohi hgulit bè Dwata he kô? Henmulaem Dwata dé anì géhéli matay.”

Job 2:5

Okóm ni ke hensidekem lówó Job, ngem kà angat tey sidek kehmulaen kóm.”

Job 1:11

Okóm ni, ke gotu nwahem yóm kdê nfunen, ngem kà angat mulék henmulaen kóm.”

2 Bok Kem Tau Hol Geta 25:3

Tikóng bè yóm gesyómen kdaw bè yóm gfaten bulón, deng tey sidek ne kbel bitil bong lem yóm syudad yó, ne laen dù bud ken le, deng gotu.

2 Bok Kem Tau Hol Geta 6:33

Yóm igò Ilaysa tolo stulón kul, sut se yóm tau hol geta. Yó monen mò ke Ilaysa, “Nim hlayam nô ta tekuy ni, kaem lemwót bè Dwata. Moen se ke tô nangatu yóm tóbóng lemwót gu bè Dwata?”

1 Samwél 8:18

Ne bè yóm kdaw yó, angat tey sidek kehkodu ye bè Dwata lemwót bè yóm deng nmoen bélê ye nim tau hol geta deng hni ye ni. Okóm là kô bnalà Dwata kuy bè yóm kdaw yó.”

Isaya 59:9

Yó udél yó kem tau, mon le, “Deng tngón me ne gónó Dwata là lemwà kum gu lem tdok yó kem tau hemgnok kum. Hendeen me ke wen hlayag du yóm lan me, okóm laen dù ton me, tódô hono kifu.