Isaya 8:18 - Udél Dwata: Gna Kesfasad ne Lomi Kesfasad

¹⁸ Ni ou, mung do yó kem ngà deng blay Dwata do. Yóm klowil me hol lómón ke tulón gdek lem blóng yó kem tau Israél, yóm tulón hwit yóm Dwata laen dù là gbeken du, yóm Dwata myón bè yóm gónón kmamal bè bulul Sayun.

Isaya 8:18 Referans Kwoze

Kun Snulat Luk 2:34

Omin Simyun mni bè Dwata bélê le. Ne ominen mon du mò ke Midi, yóm yê Jisas, monen, “Nim ngà ni, deng eles nélék Dwata mò gónóhen lemwót tmafak yó kem dumu tau Israél, ne mò gónón lemwót lemwà kul gu lem hatay yó kem dumu. Du se ilô lemwót gu bè Dwata, okóm angat tey dê tau semkbê du.

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Kem Lingón 71:7

Yóm dou klowil, lómón ke mò gónó le temngel yóm kdéen tau, abay se uu yóm mbegel mofin dou.

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.

Isaya 53:10

Yó udél yóm Dwata hol gónó mogot, monen, “Tódô lemwót bè dou kóyô yóm keglayamen yó. Yóm katayen, yó se yóm hol dsù mò lanu hmifót salà. Kogol yóm katayen yó, angat tonen yó kem semfu gu béléen, duhen yó kem hemtahu du ne angat tahà klowilen. Ne mlan béléen gónón dohò yóm dou atul.

Kem Lingón 22:30

Yó kem tau hulin kdaw, gotu le mimón béléen. Bud tles tulón le se kul bè kem lugod le yóm deng nmò Dwata.

Kem Lingón 9:11

Sngal tekuy yóm sngal dmóyón ke Dwata yóm Dwata kmamal lemwót bè Sayun. Heglalag tekuy bè kem tau bè klamangen benwu yóm kdê deng nmoen.

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Isaya 7:16

Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Hibru 10:33

Deng tódô henyak le yu bè gónón wen, ne hensidek le yu. Okóm kuy, mom nfi ye yó kem dumu ye hemtahu deng gónó le mò du yóm yó.

Isaya 7:3

Yó udél Dwata ebè Isaya yóm sotu tugoden, monen, “Nitem Sér Jasub yóm ngaem na ye e senlong Ahas. Angat ton ye bè yóm lan gónó le gel mò nes, bè hol són yóm kanal él lemwót bè yóm él senbusung le tofi ta.

Isaya 8:3

Kogolen bè yó mlutut yehenu. Bè yóm kdaw ksut yóm ngà me logi yó udél Dwata ebéléu, monen, “Yó boluyem du yóm ngaem yó ‘Mebetik ma, metlasik megef.’

Tekang Kbuten 33:5

Timbow deng keskik le, omin Iso temngel hilol, ne tonen yó kem libun ne yó kem ngà, ne snólóken Jakub, monen, “Kem tau kul de ni kem mung kóm ni?” Bnalà Jakub se, monen, “Ni se, hono kem ngà blay Dwata dou lemwót bè yóm tey kehyu nawahen.”

Dwata 28:46

Ni kem angat heglumfak Dwata kuy ni mò gónó ye angat temngón du yóm deng ktafaken kuy, dalang se yó kem angat lugod ye, yóm tafak laen kô tul sónen.

Kem Lingón 9:12

Yakà gel bnelesen du litô yó kem tau laen dù gmò le. Là kô nan e tódô bayà kul mkik yó kem tau wen gónó le glayam.

Kun Snulat Luk 2:18

Gotu le tnga yó kem tau mungol du nim tulón le ni.