Isaya 8:16 - Udél Dwata: Gna Kesfasad ne Lomi Kesfasad

¹⁶ Yu kem tau lemolò do, hol ten-gama ye anì là lanahen bélê ye yóm udél deng tulón Dwata do.

Isaya 8:16 Referans Kwoze

Danyél 12:4

Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”

Hibru 3:5

Bong ke Musis kun, du se sotu tau mò nmò bè gónô Dwata, ne tey teneb yóm kmoen nmò. Yó kem kun nmò yó, gotu hningónen yóm hol tahu duhen angat hegfan Dwata bè hulin kdaw.

Mark 4:34

Laen kô dù toloken kul ke là hningónen du. Okóm bè yó kem gel lemolò du, ke són lu gel tulónen kul yóm hnigaden.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Deng Hegfan 10:4

Bè yóm kungolu du yóm mon le, tô snulatu, okóm tódô gungolu se yóm bud mudél ebéléu gu bè longit, monen, “Bê. Béem dog snulat ne tu kem mon le tu koni. Hol bunihem.”

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”

Deng Hegfan 5:1

Ne tódô tonu se yóm sulat lenulun nkem yóm myón bè yóm gónón myón kmamal, kemen du sigel kwananen. Wen snulat le tahen ne lemen, ne wen hitu dketen.

Deng Hegfan 2:17

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yóm sidek gel sut, angat hkenu kul yóm ken là ton mata du mò hekgis kul. Ne angat benlayu lu ket kul sotu yóm botu bukay wen lomi boluy nô du. Laen dù dumu tau temngón du yóm boluy yó, tek són yóm tau gmuta du.”

1 Kurin 2:14

Yóm tau, ke là nóen béléen yóm Tulus Dwata, là kô glileben du lanen yóm tulón lemwót bè yóm Tulus Dwata. Ofo kun mon du ke laen dù muhen. Yó gónón là gmileb du, abay se là nóen béléen yóm Tulus Dwata mò fen heglileb du béléen yóm hol lanen.

Mark 10:10

Timbow le bud husek elem gónô, snólók le bè Jisas yó kem gel lemolò du yóm sentulón le yó koni.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Isaya 54:13

Tódô ou ne tmolok yó kem tauhem anì wen gendeng le ne anì menek kbenwu le.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

2 Bok Kem Tau Hol Geta 11:12

Omin Jihuyada hefewà ke Juas yóm ngà yóm tehe tau hol geta, ne ominen smuub kuruna bè kuluhen. Blayen du yóm snulat tehe senfasad le Dwata yó kem tau Israél mò lolò yóm tau hol geta bè kogoten benwu, ne ominen heglalag du bè kdéen, Juas ne yóm tau hol geta bélê le. Wen hnolo twélen ta kulu Juas mò ilô yóm kbalingen tau hol geta bélê le, ne gotu le semdofì hólól yóm kdéen tau, gotu le mensag, mon le, “Hol tahà he klowil yóm tau hol geta.”

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.