Isaya 8:14 - Udél Dwata: Gna Kesfasad ne Lomi Kesfasad

¹⁴ Lemwót bè yóm klaen dù belenu yó, yó gónó le likò do yó kem tau. Hol lómón ke ou yóm botu gónó le tlokob. Ne hol lómón ke ou yóm holot gónó le bkó yó kem tau bè benwu Juda ne bè benwu Israél ne bè syudad Jirusalim.

Isaya 8:14 Referans Kwoze

1 Pitér 2:8

Ne wen sotu monen bè Sulat Dwata, yó monen, “Yó se yóm botu angat geslob yó kem tau, ne hlós le tlokob du.” Tahu se yóm yó. Tlokob le du lemwót bè yóm là kimón le du yóm Udél Dwata. Tu se tehe eles olu Dwata ebè yó kem tau là mimón le.

Isaya 28:16

Ne ni se udél yóm Dwata hol dandónen geta gónó tekuy mogot, monen, “Wen yó kem botu alì mbegel mò gónón myón yóm beng deng suu bè Sayun mò hol hembegel du yóm Gónô angat hdau bè yó. Wen sotu botu suu bè yó mò hdengen ne wen snulatu du yóm monen, ‘Yóm tau mbegel kehtahuhen, hanayen nawahen.’

Kun Snulat Luk 2:34

Omin Simyun mni bè Dwata bélê le. Ne ominen mon du mò ke Midi, yóm yê Jisas, monen, “Nim ngà ni, deng eles nélék Dwata mò gónóhen lemwót tmafak yó kem dumu tau Israél, ne mò gónón lemwót lemwà kul gu lem hatay yó kem dumu. Du se ilô lemwót gu bè Dwata, okóm angat tey dê tau semkbê du.

Kem Udél Hlalak Tehe Selumun 18:10

Yóm Dwata mò gónó le heklung ne gónó le e mlo yó kem tau tedeng kmoen ne gónón hyu knóen.

Kem Lingón 69:22

Hol henbalingen mò gónó le gholot yóm tey ken wen bè lemisa le. Yóm klaen dù gónó le élél, nmoem mò gónó le bkó.

Kem Lingón 11:6

Bè yó kem tau gel mò sidek yó, hkulón Dwata eta le yóm bala ofi kemyóngón nbol kbuda, ne bud wen tey lenos kinì hwiten ebélê le mò tmafak kul.

Matyu 13:57

Ne yó se gónó le kembê du. Mon Jisas mò kul, “Yóm tugod Dwata, laen kô dù madat du bè yóm hol kun benwu. Dalang se yó kem hol kun fes lówó, là kô nadat le du. Tek són yó kem dumu tau bè tólóng benwu madat du.”

Isaya 26:20

Ó kem dou tau, husek ye elem gónô ye na ye tnikeb beng ye. Hebnos ye likót efet lembó yóm kebut Dwata.

Sulat Pol Ebè Yó Kem Tau Hemtahu Bè Rom 11:35

Ne laen kô dù tau bemlay ke Dwata ke mone bud bnayad Dwata béléen.”

Kun Snulat Luk 21:35

Lómón yóm sdô, song imoen hetngón deng gbunuen yóm holot. Yakà ni du se angat gbunù yóm kdéen tau talak tonok.

Matyu 21:44

Yóm botu monu yó koni, ke wen tau btang etahen, tódô gotu mfutul lówóhen. Ne ke wen tau gdilanen, tódô gotu lemuna.”

Kem Lingón 140:5

Yó kem tau heklabak, wen holot nmò le mò alu le do. Deng nból le huket le, ne deng tey wen holot nmò le bè lan.

Isaya 7:16

Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Isaya 25:4

Yó kem tau élél ne yó kem tau laen dù genbeken deng le gotu mlo ebéléem ne laen kô hemen le bè yóm gel kesbeweg benwu le. Uu se gónó le heklung bè yóm lenos bong ne bud uu se gónó le e hgolung bè yóm tey sidek ékét kdaw. Yó kem tau alì hemsidek kum hol lómón ke lu yóm lenos bong

Isaya 59:10

Lómón tô me tau butô gel migóf mógów. Anien ke talak kemdaw sana ketlokob me, abay se mom kmifu bélê me, hol lómón kkifuhen yóm gónó le nô yó kem tau deng matay.

Jirimaya 6:21

Yó gónóm mon ni se udélen ebélê ye yóm sana Dwata hol gónó mogot, monen, “Wen suu bè lan le ni kem tauhu ni anì gotu le tlokob du, tau smà ne tau sngà, dalang se yó kem tau sebét ne yó kem tau swè, gotu le tlokob ne hlós le matay.”

Isikél 3:20

Sotuhen, ke deng baling mò sidek yóm tau tedeng kmoen ne ke là kô hnungolen du yóm eles hetgamahu du, angat hukolu klowilen. Ke là eles hetgamahem du yóm angat uléken yóm nmoen yó, angat matay yóm tau yó igoen tolo wen salà nô tahen, là bud hendemu du ne yó du kem hyu deng tehe nmoen. Ne angat tódô ntuku béléem yóm katayen yó.

Juswa 10:7

Tahu se, kendel le lemwót bè yó bè Gilgal le Juswa ne kdê yó kem sendaluen, gomong yó kem sendalù deng alì layam bè sfatay.