Isaya 8:13 - Udél Dwata: Gna Kesfasad ne Lomi Kesfasad

¹³ Ni hol suem bè nawahem, tek sónen o yóm Dwata laen dù là gbeken du yóm laen kô dù belenen. Olon ou dé yóm hol knikoem.

Isaya 8:13 Referans Kwoze

Kun Snulat Luk 12:5

Tódô tulónu kuy yóm mò hol knikò ye,” monen. “Hol knikò ye Dwata, abay se ke deng hnatayen lówó ye, wen kwalisen tmudà kuy elem lanaw ofi. Du dé yóm hol tahu knikò ye.

Deng Hegfan 15:4

Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Kem Lingón 76:7

Teyi bong knikò, Dwata. Tau du de gembek mdà bè soluhem ke bangem lembut?

Malakay 2:5

“Yó lemen yóm tehe senfasad me yó kem sfu Libay, duhen yóm kwen klowil le ne kenek nawa le ne ni se yóm deng tehe blayu kul. Ne yó tehe hendónu bélê le ke nadat le ou. Ne tahu se, tey tehe kadat le dou ne wen klikò le yóm dou boluy.

Tekang Kbuten 31:53

Yó hem kul Dwata le Abraham ne Nahor mò fen angat kmukum kut ke nulé te yóm deng senfasad te ni.” Tahu se, tódô lolò Jakub yóm deng senfasad le yó hlanen bè boluy Dwata yóm gónón mogot maen Isak.

Sulat Pol Ebè Yó Kem Tau Hemtahu Bè Rom 4:20

Tódô henlelen hemtahu du, ne là kóen megewu nawan du snéen. Sónmoen minut temnù yóm kehtahuhen, ne tódô senflósen dmóyón ke Dwata.

Lista 27:14

abay se là nimón ye du yóm lewu ye yóm hlolou kuy bè yóm knô ye bè benwu laen hol wen tauhen boluyen Dsin. Bè yóm tehe ktalaw le ebéléu yó kem tau Israél ditu bè Miriba, là kô dog hdilô ye du lem blóng le yóm klaen dù belenu.” (Yóm Miriba yó, boluy yóm sfut él bè benwu Kadis nô bè yóm benwu laen hol wen tauhen boluyen Dsin.)

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

1 Samwél 11:7

Wen lewu safì hnatayen, ominen gotu mólól du ne hwiten yó kem tau dóken ebè kdéen benwu glem lem Israél, yó udél hmungen du, monen, “Ke wen tau là móyóen mung ke Sol ne Samwél ebè gida, lómó angat kmou yó kem safì le lómón kheneku nim safì nii.” Tahu se, lemwót le. Ne yó nmò Dwata bè yó kem tau gónó le e solu, gotu le likò ne gotu le ssotu yóm kdê le ne gotu le mung.