Isaya 8:10 - Udél Dwata: Gna Kesfasad ne Lomi Kesfasad

¹⁰ Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Isaya 8:10 Referans Kwoze

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Job 5:12

Gel hensengen atul yó kem lemingko anì laen dù uléken yóm gel nmò le.

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

2 Samwél 15:31

Wen tmulón du ke Dabid, deng mung bè Absalum Ahitufél. Yó gónó Dabid mni bè Dwata, monen, “Ó Dwata, henbalingem laen dù gónón e kól yóm hlau Ahitufél.”

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Kem Lingón 46:7

Nô bélê tekuy yóm Dwata laen dù là gbeken du, yóm Dwata hol gónó tekuy mogot. Du se yóm Dwata tehe Jakub, ne du se mò gónó tekuy e mlo.

2 Tutul Israél 13:12

Ngem, Dwata se nô bélê me. Du se malak kum. Yó kem tau gel blóng me ebéléen gotu le mféw, nalak le mi gmida kuy. Ó kem tau Israél, bê ye nwit sfatay Dwata yóm Dwata yó kem tehe fù ye, abay se là kô ye na a gemmò.”

2 Samwél 17:23

Tikóng tngón Ahitufél yóm là klolò le du yóm kun hlau, tódô lemwót, senyaen kudà asnuhen, ne mulék ebè yóm kun benwu. Wen kem udél tebelen bè yó kem fes lówóhen, ominen mówól liholen, ne matay. Ne lebeng le bè yóm kilib tehe gónó le lembeng ke maen.

Juswa 1:5

Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Sulat Pol Ebè Yó Kem Tau Hemtahu Bè Rom 8:13

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Isaya 7:14

Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Isaya 8:8

Tódô lenumfaken yóm benwu Juda yó yóm tey dunuk mulé te kembu. Tódô gotu limes klamangen. Dwata he tendo nô bélê tekuy. Lómón ke deng nbólen hafaken mò kemlung yóm benwu tekuy. Ou se Dwata yóm hol gónó mogot mon du nim ni.”

2 Samwél 17:4

Ya tey kehyu nawa Absalum du yóm hlau yó dalang se yó kem tmuha bè Israél.

Tekang Kbuten 21:22

Bè yóm kdaw yó, lemwót Abimélék yóm tau mogot bè Girar, mógów ebè Abraham, mung du yóm kmandér bè yó kem sendaluen boluyen Fikol. Yó mon Abimélék mò ke Abraham, “Ó Abraham, tódô dilô me yóm tendo knóen béléem Dwata bè ket yó kem gel nmoem.

Isaya 43:5

Hol bê ye abay hlikò, tendohe nô bélê ye. Angat bud huléku yó kem kuy dumu deng sekla ebè yóm hol kuy benwu. Bè yóm angat kulék le yó, wen se bélê le lemwót bè doli benwu ditu fi dmata kdaw ne doli benwu ditu fi desdef.

Jirimaya 42:11

Bê ye abay bud hlikò bè yóm tau hol geta bè Babilun, abay se ou tendo nô bélê ye ne angat bud lenwau yu lem hólólen.

Juwél 3:9

Ni se hol eles heglalag ye ebè klamangen benwu, mon ye, “Eles ye htifes bè yóm gida móyón sut. Sentifun ye yóm kdéen sendalù ye deng alì kemnalam bè gida. Hewót ye lu anì géhél le sundug.

Lista 14:9

Bê ye mom natù Dwata dé ne bê ye abay knikò tu kem tau menwu ditu. Là kóen legen keglà tekuy kul tu kem tau tu abay se tendo eles nô bélê tekuy Dwata ne laen kô dù gónó le hofin se kul. Yó gónóm mon, hol bê ye abay hlikò.”

2 Bok Kem Tau Hol Geta 6:12

Ominen mudél yóm sotu bè yó kem genlalen, monen, “Là mi du, Sér. Kaem Ilaysa yóm tugod Dwata bè Israél, fen tmulón du bè tau hol geta yóm kdê udélem. Balù yóm udél lifutem ditu bè gónóm tungô, gotu tulónen.”

Kem Lingón 21:12

Abay se bè yóm kton le du yóm kehdoem du ebélê le yóm kebtulem bohohem, tódô le gotu mlóy.

Kem Lingón 46:8

Géhél ye dé, nénég ye yóm deng nmò Dwata. Nénég ye yóm tey tennga nmoen te tonok.

Isaya 14:27

Ni se angat nmò Dwata yóm Dwata laen dù là gbeken du. Deng tayalen eta sigelen mò tmafak kul ne laen kô dù gembek hemseng du. Là gomongen bè nili yóm bérs 28 kól bè bérs 32. Yó tulónen bè ni kem bérs ni yóm gotu keglà Dwata yó kem tau Flistin. Yó gónó Dwata tmafak kul lan le mled yó kem dumu syudad bè Juda ne yóm kwit le sgida bélê le. Là gomongen bè nili yóm tsaptér 15 kól bè 18. Bè ni kem tsaptér ni, htulón Dwata ke Isaya yóm angat gotu kegbaen yóm kdê benwu hmohon yó kem kun tau Israél, duhen Muab, Damaskus, Ityupya, Idyip, Babilun, Idom, ne Arabya ne Tayal. Balù Israél ne Jirusalim bud homong tnafaken. Mon Dwata mò kul bè tsaptér 22, bérs 12-14, yóm Dwata laen dù là gbeken du, “Gotu ye dmumu mkik ne langag. Hetbulud ye bè yóm klangag ye bè salà ne gotu ye lemsek nes sakù mò gónó ye hton yóm kehegsel ye.” Okóm deng ye mom gotu madal ne segwas. Hmatay ye kem ógóf mò dsù ye, hligal ye mutón ne hlengel minum. Mon ye, “Hol tekuy hligal mken ne minum abay se haya gotu tekuy matay.” Yóm Dwata laen dù là gbeken du deng hetnef du dou ni kem salà ye ni, là bud hnifóten du efet kól bè yóm kdaw katay ye. Yó se yóm kkukum Dwata yóm Dwata laen dù là gbeken du.

Hagay 1:13

Omin Hagay tmulón du yó kem tau yóm bud udél Dwata ebélê le, yóm monen, “Elese tendo gel nô bélê ye. Ni se yóm hol fasadu kuy.”