Isaya 8:1 - Udél Dwata: Gna Kesfasad ne Lomi Kesfasad

¹ Yó udél Dwata ebéléu, monen, “Mahi yóm mò gónóm smulat, bede yóm bong. Yó kmò ksulatem du hebangem, monem, ‘Mebetik ma, metlasik megef.’

Isaya 8:1 Referans Kwoze

Isaya 30:8

Wen hsulat Dwata do bè bok yóm gel nmò yó kem tauhen anì wen mdengen gónóhen nô yóm tey ksidek nmò le.

Isaya 8:3

Kogolen bè yó mlutut yehenu. Bè yóm kdaw ksut yóm ngà me logi yó udél Dwata ebéléu, monen, “Yó boluyem du yóm ngaem yó ‘Mebetik ma, metlasik megef.’

Deng Hegfan 21:17

Gotu bentesen ktahà yóm bengen snéen. Yó ktahaen, botong nem folò fat mitruhen. Yóm kun btes yóm hógów Dwata, tódô senged bè yóm sana btes bélê tekuy.

Deng Hegfan 13:18

Là kô gbek tau hemlan du nim ni ke là hulungen hedem. Okóm ke wen ketngónen, gbeken gmileb du lanen yóm lemilu yóm lóbô tanay sut yó, abay se yóm lemilu yó, hnigaden boluy tau. Yó lemiluhen, 666.

Jirimaya 36:32

Tahu se, bud wen klatas lenulun nwa Jirimaya ne hsulaten ke Baruk yóm tau fen gel smulat béléen yóm udél Dwata, bud tulónen du. Gotu bud snulat Baruk yóm udél Dwata deng nô bè yóm gna sulat lenulun ntem Jihuyakim ne wen he kem dumu udél Dwata bud hsulat Jirimaya mò tnuen.

Jirimaya 36:28

“Budi ma sotu klatas lenulun, bud snulatem yóm gna deng hsulatu kóm yóm deng ntem Jihuyakim.

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Isaya 8:16

Yu kem tau lemolò do, hol ten-gama ye anì là lanahen bélê ye yóm udél deng tulón Dwata do.

Jirimaya 30:2

“Ni se udél Dwata yóm kuy Dwata yó kem tau Israél, Ó Jirimaya, gotu snulatem yóm kdê deng tulónu kóm.