Isaya 7:9 - Udél Dwata: Gna Kesfasad ne Lomi Kesfasad

⁹ Yóm benwu Israél yó, dalang se yóm syudad bong nô lemen boluyen Samarya, laen dù bud kgis le se kul. Senged se yóm Pika mogot du, laen dù bud kgisen se kun. Ne uu Ahas, ke là hlósen yóm kehtahuhem béléu, là se kóen hlós yóm kogotem benwu.”

Isaya 7:9 Referans Kwoze

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Sulat Pol Ebè Yó Kem Tau Hemtahu Bè Rom 11:20

Tahu se yóm mon ye yó. Yó gónó Dwata mtok kul abay se lemwót bè là kehtahu le. Ne yó gónó ye tles tmowok bè yó se kuy, lan ye hemtahu. Okóm bê ye nit hegmón, eles ye temgama se kuy.

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

1 Jan 5:10

Yóm tau ke deng hentahuhen yóm Ngà Dwata, deng nô lem hendemen ne yóm ktanud Dwata yó koni. Okóm yóm tau là hentahuhen du, deng henkéngen Dwata yóm tau yó, abay se là hentahuhen du yóm deng tulón Dwata gbak ebè yóm Ngaen.

Kul Nmò 27:25

Yó ne, kem dumuhu,” mon Pol, “hgel ye nawa ye. Tódô snaligu yóm deng tulón Dwata dou.

Kul Nmò 27:11

Okóm là dog hnungolen ke Pol yóm kfitan mentey kul. Mom yó hnungolen yóm tau mit kafal ne yóm tau funen.

Isaya 7:4

Yó tulónem du, monem, Elesi hol temgama ne hol henekem nawahem. Hol béi abay hlikò ne hol béem hesbeweg kehedemem. Laen dù knikoem du yóm kul kebut le Risin ne yó kem tau Sirya mung du yó, dalang se ke Pika. Yóm kul kebut yó hol lómón ke dù kebel yóm lewu snuk ofi, là bud le dmilóf.

Isaya 7:10

Bud wen sotu udél hwit Dwata ebè Ahas, yó monen,

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

Mika 1:5

Yó gónón angat sut, lemwót bè kegsalà yó kem tau bè Israél ne yó kem tau bè Juda, hono kem tau là mimón ke Dwata. Tau du se dnuónen bè yóm là kimón le ke Dwata yó kem tau bè benwu Israél? Kaem yó se kem tau bè Samarya yóm dnuónen yóm yê yó kem syudad le. Gónón mbut se kehtahu le bè yó kem dwata kéng yó kem tau bè benwu Juda? Kaem mbut bè yó kem tau bè Jirusalim yóm yê yó kem syudad le.

Isaya 28:1

Tey kamaen yóm benwu Israél, deng golu elem hatay ne. Deng menes ne yóm któtólen lómón kenes yóm bulók gel suub le bè kulu yóm tau gel malak kul, yó kem tau sónmò le gel hlengel. Tey keheklabak le. Wen tey tilob hboo gel sù le bè kulu le, okóm tódô le kem masà bè yó tey sidek klengel le, là bud le temngón.