Isaya 7:4 - Udél Dwata: Gna Kesfasad ne Lomi Kesfasad

⁴ Yó tulónem du, monem, Elesi hol temgama ne hol henekem nawahem. Hol béi abay hlikò ne hol béem hesbeweg kehedemem. Laen dù knikoem du yóm kul kebut le Risin ne yó kem tau Sirya mung du yó, dalang se ke Pika. Yóm kul kebut yó hol lómón ke dù kebel yóm lewu snuk ofi, là bud le dmilóf.

Isaya 7:4 Referans Kwoze

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Lanu Jirimaya 3:26

Yó gónóm mon, tey hyu ke tódô tekuy henek, nangat tekuy yóm kegewà lemwót béléen.

Isaya 30:15

Wen udélen ebè yó kem tauhen yóm Dwata hol dandónen geta, yóm Dwata yó kem tau Israél yóm laen kô dù belenen. Yó monen mò kul, “Bud ye mulék ebéléu. Ke tódô ye henek béléu ne ke hol ye smalig béléu, wen kgis ye ne laen kô dù bud knikò ye.” Okóm mom là dog ye móyô mimón du yóm udél Dwata yó.

Matyu 24:6

Angat wen gungol ye tau sgida moni bélê ye, ne wen sentulón le gida bè dumu benwu mayuk snéen. Okóm bê ye abay hlikò. Ne gotu dohò ni kem ni, okóm là kô yó du he yóm hol són kdaw.

Sikaraya 3:2

Ne yó udél yóm hógów Dwata yó ebè Seitan, monen, “Ou se Dwata mólów kóm, Seitan. Ou se deng mélék yóm syudad Jirusalim mò dou nfun. Yóm Jéswa kun, hol lómón ke ngà koyu dmilóf skot gu lem ofi.”

2 Tutul Israél 20:17

Okóm là kô yu du mit kul sgida. Olo ye tódô htuhod mdà, tenngel ye yóm kegmò Dwata bélê le yó kem hohon ye. Ó kem tau bè Juda ne kem tau bè Jirusalim, Dwata se nô bélê ye. Hol bê ye abay hlikò, ne bê ye abay hunu nawa ye. Haya mógów ye etu, abay se nô bélê ye Dwata.”

Amus 4:11

“Deng wen genlau bè yó kem syudad ye lómón yóm tehe ksulék keglau yóm benwu Sodom ne Gumura. Yó kem dù mowil bélê ye, hol lómón ke yóm koyu deng ken ofi dolihen bè yóm keskot le du lem ofi. Ewenem sana là kóyô ye semfulék ebéléu,” mon Dwata.

Isaya 30:7

Yóm tóbóng lemwót bè Idyip yó laen dù muhen. Yó gónóm mon, nibahu Idyip ‘Swaga Là Lóbóen.’ ”

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

Isaya 7:8

Yó gónóhu mon du yóm yó, abay se laen dù bud kgis Risin. Senged se yóm syudad Damaskus gónóhen nô ne yóm benwu Sirya nogoten, laen dù bud kgis le. Senged se yóm benwu Israél, là gefeten bè nem folò limu halay gu kni deng le sana gotu meglà, là buden mdà ne yóm benwu yó.

1 Samwél 17:32

Bè yóm kkól Dabid bè Sol, yó mon Dabid mò du, “Béem htafa nawam, ou mit du sfatay yóm tau yóó.”

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 7:1

Wen sotu tau hol geta bè benwu Juda boluyen Ahas. Yóm Ahas ni ngà yóm tehe Jutam ne témê yóm tehe Usiya. Bè yóm kdaw kogoten benwu, wen lewu benwu slomong mit sgida bélê le. Yó boluy yóm sotu tau hol geta mit sgida bélê le, Risin yóm tau hol geta mogot benwu Sirya ne yóm sotuhen, Pika ngà Rimalya yóm tau hol geta mogot benwu Israél. Yó nmò le na le e nundug Jirusalim bede là kô le gemmò.

Isaya 7:9

Yóm benwu Israél yó, dalang se yóm syudad bong nô lemen boluyen Samarya, laen dù bud kgis le se kul. Senged se yóm Pika mogot du, laen dù bud kgisen se kun. Ne uu Ahas, ke là hlósen yóm kehtahuhem béléu, là se kóen hlós yóm kogotem benwu.”

Isaya 37:6

ominen hemwit udél se kun ebè Hisikaya, monen. “Ni se udél Dwata ebéléem. Hol béi abay hlikò bè yóm deng gungolem lemwót gu bè yó kem tau Asirya yó, yóm mon le là gbek Dwata lemwà kuy.

Isaya 8:6

“Lemwót bè yóm kekbê yó kem tau bè Juda du yóm él bélê le boluyen Silu yóm él alì ganag klelen ne lemwót bè yóm alì ksidek klikò le ke Risin ne Pika,

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.