Isaya 7:3 - Udél Dwata: Gna Kesfasad ne Lomi Kesfasad

³ Yó udél Dwata ebè Isaya yóm sotu tugoden, monen, “Nitem Sér Jasub yóm ngaem na ye e senlong Ahas. Angat ton ye bè yóm lan gónó le gel mò nes, bè hol són yóm kanal él lemwót bè yóm él senbusung le tofi ta.

Isaya 7:3 Referans Kwoze

Isaya 36:2

Ominen mdók yóm hol geta bè yó kem genlalen nô bè Lakis anì mógów ebè Jirusalim, mung du yó kem tey sendalù wen. Yó hmoen du nan e hgaga du Hisikaya anì heglaan bélê le. Bè yóm kkól le bè Jirusalim, tódô tenfeng le yóm lan gónó le gel mò nmò yó kem tau mò nes, bè yó bè yóm kanal él lemwót bè yóm él senbusung le tofi dta.

2 Bok Kem Tau Hol Geta 18:17

Lemwót yóm tau hol geta bè Asirya, wen tlu kmandér hógówen etu bè Jirusalim, mung kul yó kem tey sendalù wen le anì na le e nundug Hisikaya bè Jirusalim. Bè yóm kkól le ditu bè Jirusalim, tódô tenfeng le yóm lan gónó le gel hbukay nes yó kem tau gel mò nes bè kilil yóm kanal él lemwót bè yóm él senbusung le tofi ta.

Sulat Pol Ebè Yó Kem Tau Hemtahu Bè Rom 9:27

Wen se kun udél tehe snulat Isaya ekni gbak ebè yó kem tau Israél, monen, “Balù yóm tey kwadag tau semfu bè yóm tehe Israél, lómó kwen le, lómón helek bè kilil mohin, ewenem là kô le hol wen gewà bè yóm angat ktafak Dwata kul.

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Jirimaya 22:1

Yó udél Dwata ebè Jirimaya monen, “Lemwóti ne nam e mudél ebè tum tau hol geta mogot yóm benwu Juda, monem mò du,

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Isaya 10:21

Angat wen he bè yó kem tau Israél bud semfulék ebè yóm kul Dwata laen dù là gbeken du yó.

2 Bok Kem Tau Hol Geta 20:20

Yó kem dumu deng gendeng Hisikaya bè yóm igoen mogot benwu, yóm tey kfasangen, ne yóm kmoen busung él, ne yóm kmò kholohen du elem syudad yóm él yó, deng gotu snulat bè yóm bok boluyen Tutul yó kem Tau Geta bè Juda.

Kehewà 7:15

Yó gónóm mon, hlafus haya senlongem Faro bè yóm kógówen ebè él Nayl. Nwitem yóm tuged deng tehe baling ulal ne nangatem ditu bè kilil yóm él yó.