Isaya 7:18 - Udél Dwata: Gna Kesfasad ne Lomi Kesfasad

¹⁸ Bè yóm kdaw yó, yó nmò Dwata hemsit ebè yó kem tau Idyip mò ilô bélê le anì gotu le mundug ebè yóm kuy benwu. Bè yóm kundug le yó, hol lómón ke lenged kwen le lemwót bè klamangen benwu le. Ne bud hensit Dwata yó kem tau Asirya anì bud le mundug se kul. Yóm kwen le lemwót bè benwu le hol lómón kwen le yê nuhag.

Isaya 7:18 Referans Kwoze

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Juswa 24:12

Bè yóm tehe khusek ye elem benwu le, hol lómón ke wen yê nuhag hógówu tukô gna kuy, yó gónó le alì slaf yó kem lewu tau hol geta bè kem Amurayt. Bè yóm kegmò ye bélê le là lemwóten bè yó kem sudeng ye ne bè yó kem boho ye.

Dwata 7:20

Ne sotuhen, hol lómón ke wen yê nuhag hwit Dwata elem blóng le mò mékét kul yóm kdê dù tau mowil tô hebnos efet gotu genlà ye lu.

Isaya 7:17

Senged se béléem, Ahas, angat wen tey gfaem se kóm, dalang se yó kem tau nogotem ne yó kem fes lówóhem. Yóm gfà monu ni, bong sidek senta yóm tehe gfà yó kem fù ye bè yóm kdaw tehe keskó le benwu Israél yóm benwu Juda nogotem. Yó angat nmò Dwata, hógówen yóm tau hol geta bè Asirya mò gmida kuy.

Kem Lingón 118:12

Yó kem hohonu yó, lómón tô le yê nuhag, deng le gotu lememek hilolu. Okóm lómón tô le loob mékéng ke mton ofi, là kóen legen. Gotu genlau lu mlan bè kfasang Dwata.

Kehewà 8:24

Tahu se hayahen bè yó, tódô kmifu lenged hwit Dwata ebè gónô bong yóm Faro ne ebè gónô yó kem genlalen. Tódô hono lenged bè klamangen Idyip, gotu hensidek le yóm benwu yó.

Kehewà 8:21

Ni eles monu mò kóm ke là hewótem kul, tnafaku u mlan bè kehwitu ebéléem yó kem tey lenged wen dalang se ebè yó kem genlalem ne ebè yó kem tauhem. Angat tódô hono lenged lem gónô yóm kdéen tau bè Idyip. Yóm tonok bè klamang benwu le angat tódô hono lenged.

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

Sikaraya 10:8

Ke bud tnabahu lu yó kem dou tau, gotu le bud semfulék ebéléu, yakà deng nsoku lu. Balù yóm là kwen le, angat tey kból le lómón yóm gnan.

Kem Lingón 105:31

Bud lemwót bè udél Dwata, tódô tfeng lenged ne lifet bè klamangen benwu le.