Isaya 7:16 - Udél Dwata: Gna Kesfasad ne Lomi Kesfasad

¹⁶ Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Isaya 7:16 Referans Kwoze

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

Juna 4:11

Milud he kkoduhu du yóm tey syudad Ninibi ni. Mukas lematu lewu folò libuhen kem ngà lemnek nô bè yó, kem ngà laen dù deng sidek tngón le. Lelen tey wen kem ógóf he bè yó.”

Husiya 5:9

Là hewum du kem tau Israél, kesok kól yóm kdaw ktafaku kóm, angat ye meglà.

Isaya 8:14

Lemwót bè yóm klaen dù belenu yó, yó gónó le likò do yó kem tau. Hol lómón ke ou yóm botu gónó le tlokob. Ne hol lómón ke ou yóm holot gónó le bkó yó kem tau bè benwu Juda ne bè benwu Israél ne bè syudad Jirusalim.

Jirimaya 7:15

Hegefu yu lómón yóm tehe khegefu yó kem dumu ye Israél. Ou se Dwata nim mudél ni.’ ”

Husiya 5:3

Ó kem tau Israél, gotu tngónu yóm kmò ye laen dù gebnos béléu. Deng ye mkél bè yóm libun hdóyón tnagaken yehenen. Deng ye gholu ne kem tau Israél.