Isaya 7:15 - Udél Dwata: Gna Kesfasad ne Lomi Kesfasad

¹⁵ Bè yóm deng khulungen hedem yóm ngà yó, són yó lowil yó kem tau són gatas ne tneb.Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Isaya 7:15 Referans Kwoze

Isaya 7:22

angat tey wen gatas nwahen bélê le, botong glukas béléen. Tahu se, yóm dù tau mowil bè benwu ye, són gatas ne tneb mò lowil le.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Matyu 3:4

Nim Jan ni, yó nesen nmò le lemwót gu bè bul kamél ne yó hileten kulit ógóf ne són tlangas ne tneb gel kenen.

Kun Snulat Luk 1:35

Yó bud mon yóm hógów Dwata mò du, monen, “Angat sù Dwata béléem yóm Tulusen, ne yóm kfasang Dwata fen hemlan du béléem. Yó gónóm mon, mólós nim ngà angat sut ni, ne angat boluy le du Ngà Dwata.

Kem Lingón 51:5

Tódô mung bè ksutu yóm óyóu mò sidek. Nbuten bè keblolu yê dou, eles nô béléu yóm óyô mò sidek yó.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Kun Snulat Luk 2:52

Ngangen ne lemnok Jisas, ne tendo temnù se yóm ketngónen. Ne tendo hyu nawa Dwata ebéléen, dalang se yó kem tau.

Kun Snulat Luk 2:40

Ngangen ne lemnok yóm ngà, ne kemgis lem lówóhen, ne tey temngón. Ne tey kuyag Dwata du.

Tekang Kbuten 18:8

Tikóng deng gotu tógó yóm kdéen, omin Abraham mkay du ebélê le, wen gatas mung du ne wen tsisen, ne mdà klohok le bè yóm igò le mken bè yó laan yóm koyu gónó le nô.