Isaya 7:14 - Udél Dwata: Gna Kesfasad ne Lomi Kesfasad

¹⁴ Duhen yó, Dwata ne tódô mò béléem ilô. Yó ilô nmoen, wen sotu sawang libun angat mlutut ne angat mngà logi ne angat boluyen du Imanyuwél.

Isaya 7:14 Referans Kwoze

Matyu 1:23

“Angat wen sawang libun tódô mlutut, ne mngà logi, ne boluy le du Imanyuwél (yó lanen yóm boluyen yó, tendo nô bélê tekuy Dwata).”

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Kun Snulat Luk 1:31

Angat wen bnututem, ne mngai logi, ne boluyem du Jisas.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Kun Snulat Luk 1:35

Yó bud mon yóm hógów Dwata mò du, monen, “Angat sù Dwata béléem yóm Tulusen, ne yóm kfasang Dwata fen hemlan du béléem. Yó gónóm mon, mólós nim ngà angat sut ni, ne angat boluy le du Ngà Dwata.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Isaya 8:8

Tódô lenumfaken yóm benwu Juda yó yóm tey dunuk mulé te kembu. Tódô gotu limes klamangen. Dwata he tendo nô bélê tekuy. Lómón ke deng nbólen hafaken mò kemlung yóm benwu tekuy. Ou se Dwata yóm hol gónó mogot mon du nim ni.”

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Jirimaya 31:22

Kegenen de yóm ktabag ye kem ngau là mimón? Okóm wen yóm lomi angat nmou bélê ye kem tau Israél. Yó nmou, henbalingu yu yó kem tau wen óyô le bud mulék ebè yóm kul Dwata.”

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”

1 Samwél 4:21

Bè hol sónen nahen nmò boluy yóm ngaen sut yó, boluyen du Ikabud. Yó lanen, “Deng tnagak Dwata ne Israél.” Yó gónón lómón yó boluyen yóm ngaen lemwót bè yóm deng kegef le yóm Slungan Dwata ne yóm katay tuónen ne katay tuha logihen.

Tekang Kbuten 30:8

Yó mon Rakél, “Deng tey kwitu sfatay bè yóm twoguhu ne ni he katuu béléen.” Ne yó gónón moluy du Naftali yóm ngà sut yó.

Tekang Kbuten 29:32

Mlutut Liya ne mngà logi. Yó monen, “Deng ton Dwata yóm gfau ne mlan bè nim ngau ni angat kenbong nawahen ou yóm tuha logihu.” Ne yó boluyen yóm ngaen sut yó, Rubén.

Tekang Kbuten 30:6

Yó mon Rakél, “Deng nfi Dwata ou. Deng hnungolen yóm knihu béléen, yó gónón bemlay dou ngà logi.” Ne yó gónón moluy du Dan yóm ngà sut yó.

Tekang Kbuten 4:25

Bud sentungô Adam Ib yóm tuha libunen, ne mlutut, ne mngà logi. Ne yó mon Ib, monen, “Deng bud benlay Dwata ou ngà logi mò tles Abél, yóm tehe hnatay twoguhen.” Ne yó gónón moluy du Sét.

Tekang Kbuten 16:11

Angat wen ngaem logi ne boluyem du Ismaél abay se deng gungol Dwata yóm kkikem lemwót bè yóm alì ksidek kegnómem du.

Kun Snulat Luk 2:12

Ni mò ilô yóm ktahuhen yóm deng tulónu kuy ni, angat wen ngà ton ye bnaus le nes, heflilil le bè yóm gónó le gel hemsù ken kudà.”

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Kmukum 6:36

Omin Gidyun mon du mò ke Dwata, “Ke tahu ou se yóm hógówem mò lemwà yó kem tau Israél

1 Bok Kem Tau Hol Geta 13:3

Bè yóm kdaw yó wen ilô nmò yóm tau Dwata mò gónó le hemtahu du yóm tulónen, monen, “Wen ilô deng fasad Dwata, duhen yóm tódô kesdoli gónón sóól nim gónó demsù ni, ne gotu mkok ete tonok yó kem kohuen.”

Kem Lingón 46:8

Géhél ye dé, nénég ye yóm deng nmò Dwata. Nénég ye yóm tey tennga nmoen te tonok.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Kun Snulat Luk 20:44

Yóm Misaya myón bè kwanan Dwata yó,” mon Jisas, “yó taba Dabid du ‘Gónóhu mogot.’ Na, tedu de mom du yóm bud kmò kbalingen semfu gu bè Dabid?”