Isaya 7:13 - Udél Dwata: Gna Kesfasad ne Lomi Kesfasad

¹³ Bè yóm kungol Isaya du yóm mon Ahas yó, yó udélen, “Yu kem tau semfu gu bè yóm tehe Dabid, hol hnungol ye dé yóm balau du yóm mon Ahas yó. Ó Ahas, deng tey sidek kehtakasem kul yó kem tauhem, okóm milud he ksideken yóm nmoem yó abay se Dwata yóm htakasem.

Isaya 7:13 Referans Kwoze

Isaya 43:24

Okóm kuy, laen kô insinsu benli ye ne là se hegsengel ye nawahu bè tóbô yó kem ógóf ye mò hkekeb ye ebéléu. Okóm mom henblat ye nawahu lemwót bè yó kem salà ye. Tey kehtakas ye dou lemwót bè yó kem nmò ye là tedengen.

Malakay 2:17

Deng tey kehtakas ye ke Dwata bè yó kem gel udél ye. Déke snólók ye, mon ye, “Udél du du gónó me deng htakas ke Dwata?” Yó udél ye htakas ke Dwata yóm gel kmon ye du, “Moen de ke tódô bayà Dwata lu yó kem tau gel mò sidek, là kô dog tnafaken kul? Nô se du yóm Dwata tedeng kkukumen?”

Isikél 34:18

Là gsengel nawa ye du he kô yóm tey hyu gel nótób ye yó? Moen de ke bud sensdà ye yóm dù bnes là nótób ye du? Là gsengel nawa ye du kô yóm tey él tikaw gel ninum ye yó? Moen du ke bud lenbol ye yóm là ninum ye du?

Isaya 63:10

okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.

Isaya 7:2

Bè yóm tehe kgefeten bè Ahas yóm tau hol geta mogot yóm benwu Juda, yóm deng kkól le bè benwu Israél yó kem tey sendalù wen lemwót bè Sirya yó, ya tey sidek klikoen dalang se yó kem tauhen, tódô setbol kkel le.

Hibru 3:10

Yó se gónóhu alì lembut kul, ne yó gónóhu mon du, ‘Hono kem tau tabag kehedem le yóm kdê le, mom kenbê le yóm dou hlolò kul.’

Amus 3:13

Ni mò hol hnungol ye ne hol heglalag ye bè yó kem sfu Jakub,” udél yóm sana Dwata hol gónó mogot, yóm Dwata laen dù là gbeken du.

Jirimaya 6:11

Yóm kebutem kul, Dwata bud gnómu snéen dou, là gbeku du ke là benkasu du bélê le.” Ne yó bud udél Dwata ebéléu, monen, “Gotu sulék kokem eta yó kem tau bè Jirusalim yóm tey kebutu kul, balù yó kem ngà le là mdengen bè lan, dalang se yó kem logi lomi lemnok tolo sbung, kkólen bè yó kem tau syehen ne yó kem tuha bélê le, gotu sulék kokem eta le.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Isaya 1:24

Duhen yó, hol hnungol ye yóm udél yóm Dwata hol gónó mogot yóm Dwata laen dù là gbeken du, yóm Dwata kem tau Israél yóm alì mfasang. Yó monen, “Angat bnelesu yu, yu kem tau deng hmohon do ne là bud gehlala ye do ne.

2 Tutul Israél 21:7

Okóm là kô gbek Dwata gemlà du yóm ktol Dabid mogot benwu, yakà deng wen yóm senfasad le Dwata, ne deng fasaden du yóm klaen tul sónen yóm keseflós le mogot benwu yó kem semfu gu béléen.

Lista 16:13

Là kóyówen béléem he kô yóm tehe kwitem kum hewà gu bè Idyip, gu bè yóm benwu tilob tonoken, anì nam e gotu hnatay mi bè nim benwu laen hol wen tauhen ni? Ne ni, kóyóem he kô ke bud henbalingem mi mò hesekem?

Lista 16:9

Bè kuy kehedem du, là dengen gsengel nawa ye du he kô yóm deng kélék Dwata kuy bè yó kem dumu ye tau Israél mò tau gfi ebéléen mò du yóm hmoen kuy lem yóm kun Gónô? Yóm gel któbóng ye yó kem dumu ye Israél, tek udì bélê ye kô yóm hogoten kuy yó?

Tekang Kbuten 30:15

Mon Liya se mò du, “Là gsengel nawahem du he kô yóm deng tódô kledem du béléu yóm dou tuha logi? Ne ni, bud tô nwahem yóm dou bulung mngà ton ngau?” Mon Rakél se, “Ke benlayem ou yóm bulung mngà ton ngaem, hyu kestungóem ke Jakub kifu ni.”

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Kun Snulat Luk 1:69

Wen tau alì mfasang hógówen elem blóng tekuy mò lemwà tekuy, yóm tau semfu gu bè yóm sotu tehe tóbóng lówóhen boluyen Dabid.

Kem Lingón 45:5

Tey telem yó kem hanakem, botong metlool kfu yó kem hohonem. Gotu le masà bè soluhem yó kem tau bè yó kem tólóng benwu.

Isaya 1:14

Tey kkutó nawahu du yóm gel kestifun ye yó. Hol lómón ke deng hbô ye do yóm tey blat ne là bud gehbalahu du.

Isaya 7:12

Yó udél Ahas, monen, “Bée dou. Là kóe móyô tmilów ke Dwata.”