Isaya 66:2 - Udél Dwata: Gna Kesfasad ne Lomi Kesfasad

² Ou se deng mò du yóm longit ne tonok ne kdéen ton. Okóm tey kehyu nawahu bélê le yó kem tau heglaan béléu ne hegsel bè salà le, yó kem tau wen klikò le do ne mimón do.” Là gomongen bè nili yóm bérs 3 efet kól bè 24. Htulón Dwata ke Isaya yóm tey kehyuhen bè yó kem tau mimón yó kem udélen. Okóm bè yó kem tau là mimón du, yó udél Dwata gbak ebélê le bè bérs 4, monen, “Angat wen tey hlayam hwitu ebélê le, duhen kdê yó kem gel knikò le. Abay se bè yóm ktabahu, là tnimul le do. Soke mudél, là hnungol le do. Tey kmò le salà igou temngel kul. Deng mom nmò le yó kem deng tngón le alì kenbéu.” Duhen yó, bè yóm kdaw kehgulék Dwata klowil yó kem tauhen ne yóm tonoken, tódô segeng bè yóm kdaw khéét kkukumen yó kem tau là hemtahuhen ne yó kem tau là mimón du bè klamang benwu. Kesok kól yóm kdaw bud kehgulék Dwata yóm benwu Jirusalim ne yóm nan e bud kwit kul mulék yó kem tauhen mò nô bè yó, tódô mekto yóm kmoen du ne wen tilob ofol blayen kul. Gotu hógów Dwata yó kem kun tau ebè yó kem benwu là deng gmungol du yóm kun boluy, yó kem là deng mton yóm kun keklóón. Mon Dwata bè bérs 19, “Gotu hetngón le yóm dou keklóón ebè kdê but tau.” Bè són nim tsapter ni tulónen yóm fasad Dwata bè yó kem kun tau. Monen bè bérs 22, “Yóm klaen tul sónen yóm lomi longit ne tonok, lómón yó se klaen dù sónen yóm ktauhu kuy, ne là se kóen lana yóm kuy boluy.”

Isaya 66:2 Referans Kwoze

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Kem Lingón 34:18

Tey moni bélê le Dwata yó kem tau wen gónón sidek kegnóm le du. Gel lenwaen yó kem tau laen dù bud nefet nawa le.

Kem Lingón 51:17

Yó dé henged mò dsuu ebéléem, Dwata, duhen yóm hol keheglaanu béléem. Là kô nam e kenbê du yóm tau ke heglaanen knóen ne hegsel bè salaen.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Kem Udél Hlalak Tehe Selumun 28:14

Wen kligalen yóm tau gel nimónen Dwata, okóm yóm tau hgelen kuluhen bè Dwata wen glumfaken.

Kem Lingón 138:6

Balù yóm tey kegetahen yóm Dwata, ewenem sal gel sen-gifaen yó kem tau hulung heglaan, okóm hlayuk bè yó kem tau heklabak.

Kem Lingón 119:120

Botong setbol kkelu lemwót bè klikou kóm, knikou yóm angat kkukumem do.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Hbakuk 3:16

Bè yóm kungolu du yó kem deng tehe nmoem yó, botonge kenkel. Tódô setbol kkel sumóngu, botong klikou. Tódóe lenmek, botonge gluduk lemwót bè alì klikou. Okóm naw hfu imaku mangat du yóm kdaw bud kehwit Dwata du ebè yó kem tau mled benwu me yóm tey glumfak yó ekni.

Kem Lingón 119:161

Tey kehsidek le do yó kem tau mogot benwu baluen ke laen dù buten. Okóm tek sotu gónóhu likò, duhen ke là nimónu du yó kem hlauhem.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Kulasi 1:17

Gu laanen là deng wen ni kem ni, deng sana kem yó ne ke Krays kun. Ne kdê yó kem deng dlimunen, tódô seflós tendo kogoten kul.

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Matyu 12:6

Tódô tulónu kuy, deng wen kól lem blóng ye yóm mfasang senta yó kem dê hlolò le kuy bè Gónô Dwata.

Kul Nmò 7:50

Igò sem ou du deng tehe mò du yóm kdéen ton.’”

Kem Udél Hlalak Tehe Selumun 29:23

Yóm keheklabak mit du genef yóm tau, okóm yóm tau heglaan gutahen kadat tau du.

Husiya 11:10

Angat wen kdawen ou se angat lolò yó kem tauhu. Bè yóm ktabahu kul, angate mngel lómón liyun ne gotu le mulék ebéléu yó kem tauhu mung du kkel le, lemwót le bè yóm benwu fi desdef.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

1 Bok Kem Tau Hol Geta 21:29

“Tonem kô yóm tey keheglaan Ahab béléu? Lemwót bè nim nmoen ni, laen dù heglumfaku du bè yóm klawihen mowil. Bè yó he bè kul kdaw yó kem ngaen gónów mò du. Angat gotu hnatayu yó kem fes lówóhen ne yó kem semfu gu béléen.”

2 Bok Kem Tau Hol Geta 22:10

Bud tulón Syafan yóm tau hol geta, monen, “Wen bok blay Hilkaya do, yóm tau gel blóng ebè Dwata.” Ne hgel Syafan semfala du bè yó bè solu yóm tau hol geta yóm bok yó.

2 Bok Kem Tau Hol Geta 22:11

Timbow gungol yóm tau hol geta yóm udél nô lem yóm Bok Hlau yó, tódô gekséen nesen, botong ksidek kegnómen du.

Kem Lingón 51:19

Ke yó se kmoen, angat tey kehyu nawahem du ke wen gel dsù me ebéléem. Senged se yóm dsù gel hkekeb me, tey kehyu nawahem du. Ne angat wen kem safì tudu gel dsù me ebéléem snéen.

Isaya 41:20

Yó kem nmou yó, angat kdéen tau gotu mton du ne temngón du ou se yóm Dwata hol gónó mogot fen mò du. Ne tódô tngón le yóm kul Dwata yó kem tau Israél yóm Dwata laen dù belenen, du se mò du yóm ni.” Là gomongen bè nili yóm bérs 21 kól bè bérs 29. Bè ni kem bérs ni, htulón Dwata ke Isaya yóm kewóten béléen yóm kegmò Sayrus yóm tau hol geta bè Persya, bè yóm kleden yó kem dê benwu ne yóm bud keblayen kul kwalis mulék ebè kul benwu yó kem tau deng negef le. Yó sotu htulón Dwata ke Isaya yóm klaen dù muhen yóm gel ktaba le bè yó kem dwata kéng, abay se là gbek le tmulón du yóm mò kmoen bè yóm gnahen ne là se gbek le tmulón du yóm mò kmoen bè hulin, ne là se gbek le mò du yó kem hentaw ton. Mon Isaya mò kul yóm kul dwata kéng yó, laen kô dù lemen lómón lenos. Okóm gbek Dwata eles tmulón du kul yóm mò kmoen elem haya. Yó tulónen kul yóm kóyónen kól yóm sotu mò tmóbóng kul bè yó kem hohon le, deng sana gu ditu ne. Dwata se tmóbóng du mò gemlà yó kem hohon le.