Isaya 66:1 - Udél Dwata: Gna Kesfasad ne Lomi Kesfasad

¹ Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Isaya 66:1 Referans Kwoze

Kul Nmò 17:24

Yóm Dwata ni, du se deng dmimun yóm klamangen benwu ne kdéen ton lemen. Du se yóm hol gónó mogot bè longit dalang se talak tonok. Là kóen na a nô bè yó kem gónô nmò tau kun.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

Kem Lingón 132:7

Lemwót tekuy ne, mógów tekuy ebè yóm gónó Dwata nô. Tmaba tekuy ebéléen bè yó.

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

2 Tutul Israél 6:18

Okóm Dwata, gbekem kô nô dini talak tonok? Hol mou kun ne anì sem longit du, yóm longit hol geta, là kói kóyów du. Sélét mom ni nem Gónô deng hdau béléem ni tô gónóm kóyów.

1 Tutul Israél 28:2

Omin Dabid hebkó mdà bè solu le, ne yó udélen ebélê le, monen, “Kem dumuhu setwoli ne kem dou tau. Hol hnungol ye ou. Deng hol nô bè nawahu hdà du yóm Gónô Dwata mò gónóhen tódô menek nô yóm Slungan Fasad Dwata, yóm gónóhen hmótól ti. Deng eles sentifunu yó kem ngomen,

Kem Lingón 99:9

Hol dóyón tekuy yóm sana kut Dwata hol gónô mogot, ne tmaba tekuy ebéléen bè yóm kun bulul bè Jirusalim, abay se laen kô dù belenen yóm sana kut Dwata hol gónô mogot.

Matyu 24:2

Omin Jisas mon du mò kul, “Hol tenngel ye dé yóm kdê ton tekuy ni. Tódô tulónu kuy ktahuhen, angat kól yóm kdawen laen kô dù tebel bè ni kem beng botu nii, tódô gotu lenusok le.”

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Matyu 12:6

Tódô tulónu kuy, deng wen kól lem blóng ye yóm mfasang senta yó kem dê hlolò le kuy bè Gónô Dwata.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

2 Tutul Israél 2:5

Yóm gónô hdau yó, angat tey ktiloben, abay se yóm kum Dwata, du se hol geta senta yóm kdéen dwata lennged.

Isaya 60:13

Ó Jirusalim, yó kem koyu tilob lemwót bè yó kem dlag bè benwu Libanun, angat gotu nwit le ebéléem yó kem koyu meguu ne dyunipér ne siprus. Yó mu le kul yó kem koyu yó mò ngom bè yóm bud kehdà le kóm, anì bud mulék tilob yóm dou Gónô ne anì bud mulék minggel mton du yóm dou syudad.