Isaya 64:9 - Udél Dwata: Gna Kesfasad ne Lomi Kesfasad

⁹ Duhen yó, hol béem alì lenbut mi. Hol béem henlós smolò du yó kem salà me. Mi se kem tauhem, hol knoduhem mi.

Isaya 64:9 Referans Kwoze

Kem Lingón 79:13

Duhen yó, laen dù tul sónen yóm tendo kdóyón me kóm mi kem kóm tau, yó kem ubiha gel hótóbem. Dóyón me uu efet kól bè yó kem hilu bud lugod me.

Deng Hegfan 20:10

Bong ke Seitan kun, yóm deng smukat kul, tódô tudà le elem lanaw ofi, yóm ofi wen kbudahen senflós dmilóf. Bè yó se kul deng gónó nô yóm lóbô tanay sut ne yóm fen gel tmugod du. Bè yó gónó le tendo heslaf seflósen kemdaw ne kifu, ne laen kô dù sónen yóm tendo keheslaf le yó.

2 Pitér 2:17

Yó kem tau tmolok sekban yó, hol le mkél bè yóm kokol deng kti, duhen ke yóm lobun mung hfolis bè lenos, bà setlek él ke hebtangen. Deng wen ne yóm alì gónón kmifu deng eles hetfing Dwata bélê le.

Malakay 1:4

Ke yó udél yó kem sfu Iso bè Idom, ke mon le, “Baluen ke deng gotu gbà yóm benwu tekuy, bud tenlob tekuy yó kem deng gbà.” Okóm ni se udél yóm Dwata laen dù là gbeken du, monen, “Ke bud hdà le, angat bud genbau he. Yó angat boluy kem tau du yóm kul benwu, ‘Benwu hono sidek gel nmò kem tauhen.’ Yó gónóm mon, laen dù tul sónen yóm kebut Dwata kul.”

Hbakuk 3:2

Ó Dwata yóm sana Dwata hol gónó mogot, deng gungolu yó kem tey tennga deng tehe nmoem ne botonge likò. Ne ni, hol bud nmoem bélê me bè nim kum kdaw yó kem deng tehe nmoem yó. Balù yóm tey sidek kebutem kum hol knodum mi.

Jirimaya 10:24

Hol sentódóem ou, Dwata, bede hen-ganagem. Béem alì tnafak ou ke lemwót bè yóm kebutem do. Ke yó nmoem béléu, mataye.

Jirimaya 3:12

Yó gónóm mon lemwóti ne, hol heglalagem bè yó kem tau Israél bè yóm kul benwu fi bwak, monem mò kul, ‘Ni se udél yóm sana kuy Dwata hol gónó mogot, Ó kem tau Israél, kem tau laen dù bud kehtahu le, bud ye semfulék ebéléu dé yakà tey kkoduhu kuy. Là bud lenbutu kuy ne.

Isaya 63:19

Yóm kmoem ebélê me ni, hol lómón ke là uu du yóm gónó me gel galak lemwót bè kbuten. Hol lómón ke là tauhem kum lemwót bè kbuten.

Isaya 60:10

Yó udél Dwata ebè Jirusalim, monen, “Angat wen kem tólóng tau fen bud hemgulék hemdà yóm beng hilolem. Ne yó kem kul tau hol geta, angat tnóbóng le u. Tey tehe kebutu kóm, yó se gónóhu tmafak kóm. Okóm ni ne, hegfanu béléem yóm tey kehyu nawahu ebéléem ne yóm tey kkoduhu kóm.

Isaya 57:17

Tahu se, tehe lenbutu lu lemwót bè salà le ne bè yóm tey kesbì le ne yó se gónóhu tmafak kul ne tódô mayà kul. Bede tey mgel kulu le, tódô henlel le lemolò du yóm kul kóyô.

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

Kem Lingón 119:94

Hol lenwaem ou, yakà uu du mfun dou. Deng hotuhu gelu mimón du yó kem hlauhem.

Kem Lingón 38:1

Ó Dwata, béem nudél ou bè kebutem. Béem tnafak ou bè yóm alì khéet yóm kebutem.

Kem Lingón 6:1

Ó Dwata, béem nudél ou ke mlan bè kebutem, ne béem abay tnafak ou ke hlanem bè alì kebutem.

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul

2 Bok Kem Tau Hol Geta 25:9

Gotu htemen yóm Gónô Dwata bè yó, ne yóm gónô bong yóm tau hol geta, ne kdê yó kem dumu gónô lem Jirusalim. Ket gónô lembang, gotu htemen.

Isaya 63:18

Mi se yó kem tau deng hetfingem mò kóm nfun. Okóm deng lo le mi gu bè kum benwu yó kem hohon me. Tek likót me mfun du yóm Gónóem. Okóm ni, deng gotu genbà yó kem hohon me.