Isaya 64:8 - Udél Dwata: Gna Kesfasad ne Lomi Kesfasad

⁸ Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Isaya 64:8 Referans Kwoze

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Kem Lingón 119:73

Uu se tehe mò do, Dwata. Ne ni benlayem o khulung temnef anì lolou yó kem hlauhem.

Kem Lingón 138:8

Angat hendohò Dwata yóm atulen bè klowilu. Yóm kbong nawahem là monolen, Dwata, laen kô dù tul sónen. Béem tódô baya o, abay se uu yóm mò dou.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Isaya 45:9

Henkna ye bè yóm tau mifil kuleng tonok, gbek yóm kuleng kô semgil yóm tau mifil du? Laen kô dù gónón stólóng bè yó kem dumu kuleng. Gbek yóm kuleng tonok kô smólók yóm tau mifil du ke tedu nmoen? Duhen ke gbek yóm kuleng kô semlón yóm là khulung yóm tau mifil du?

Isaya 44:24

Ou se yóm Dwata gónó ye mogot yóm lemwà kuy. Ou se yóm Dwata deng mò kuy. Ou yóm hol gónó ye mogot, yóm dmimun yóm kentihen. Tek són ou tehe hnal yó kem longit seglafin. Ne bè yóm tehe kedlimunu tonok, laen kô tmóbóng do.

Isaya 43:7

Lu se yó kem hol dou tau. Deng nmou lu mò gónóhu hol megdóyón.”

Isaya 44:21

Yó mon Dwata, “Yu kem tau Israél, hol bê ye abay klifót nim monu ni, yu se yó kem dou tau tóbóng lówó. Deng nmou yu mò tóbóng lówóhu, là kô naw e klifót kuy.

Dwata 32:6

Ó kem tau book là hulung hedem, ni kô balà ye ke Dwata? Igoen sem du yóm mà ye, yóm deng tehe mifil kuy. Du se tehe hol hembaling kuy mò sotu but tau.

Glasya 3:26

Lemwót bè yóm kehtahu ye, deng ye gotu baling ngà Dwata ne, ne deng ye ssotu bè Krays Jisas.

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Kehewà 4:22

Duhen yó, hol tulónem du yóm udélu ni, yóm monu, ‘Yó kem tau Israél, hol tau dou nélék, hol lómón ke lu se yóm ngau logi twogu.

Kun Snulat Jan 8:41

Yóm nmò ye béléu ni,” mon Jisas, “deng dnalang ye bè yóm kuy mà.” Bnalà le Jisas, mon le, “Bang tô dumu Mà me se kum du, tek són sem Dwata. Mi se hol tahu ngaen.”

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Isaya 19:25

Ne tey któbóngen kul yóm Dwata laen dù là gbeken du yó kem benwu yó. Ne yó udélen ebélê le, monen, “Tnóbóngu yu kem tau Idyip kem dou tau. Ne tnóbóngu yu snéen kem tau Asirya kem dou tau tehe nifil. Ne bud tnóbóngu yu kem tau Israél kem dou tau tehe nélék.” Là gomongen bè nili yóm tsaptér 20 kól bè 24. Yó htulón Dwata ke Isaya bè ni kem tsaptér ni yóm kegbà benwu. Monen bè bérs 5, “Glayam yóm klamang benwu lemwót bè salà yó kem tau nô tahen, abay se deng gotu senkban le yóm kun hlolò Dwata, nulé le yó kem hlauhen ne genbà le yóm tehe kesfasad le laen tul sónen. Yó gónóm mon, megtafak tonok gomong kem tauhen. Gotu lana bélê le yóm kdéen, gotu mlób bè ofi. Là buden dê tau tebel mowil.” Okóm yó kem dù tebel yó, gotu le hemsag ne semngal bè yóm tey kligal le. Monen bè bérs 16, “Hnungol ye lu bè yóm tey kesngal le ebè Dwata lemwót bè són tonok. Hnungol ye yóm kdóyón le yóm Dwata Hol Tedeng Kmoen mlan bè kesngal le.” Monen bè tsaptér 24:21-23, “Bè yóm kdaw yó gotu tnafak Dwata yó kem gel hógówen gu bè longit deng mung ke Seitan. Bud tnafaken yó kem tau hegmón kmamal yó kem but tau talak tonok. Gotu senbungen lu ne gotu suen lu lem blanggù efet le golu elem hatay. Ominen yó myón bè yóm gónón myón kmamal bè Bulul Sayun yóm Dwata laen dù là gbeken du. Tey minggel kwiten du yóm benwu Jirusalim. Lemwót bè yóm tey ktiloben lómón ke kmanas yóm layag kdaw ne bulón.”

Isaya 45:11

Yóm Dwata laen dù belenen gónó le mogot yó kem tau Israél, du se eles matul yóm mò kmoen elem haya. Yó udélen, “Laen dù kwalis ye smólók do ke tedu kmou kul yó kem dou ngà, duhen ke yu tô tmulón du dou yóm hyu mò nmou bélê le.

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Kehewà 32:12

Kmoen se ke mon yó kem tau Idyip, yó gónóhem mit kul hewà gu bè Idyip yó kem tauhem anì nam e hnatay lu lem bulul ne anì gotu sulék genlaem lu? Tongem yó ne lembut, tenlesem hendemem, béem tô hegfà yó kem tauhem yóm gfà monem yó.

Dwata 9:29

Okóm bè ktahuhen, igò sem lu du yó kem tau deng nélékem mò hol kóm tau ne deng hewaem lu gu bè Idyip mlan bè yóm tey kegbekem ne bè yóm tey kgisem.’ ”

Kem Lingón 74:1

Ó Dwata, moen de ke laen dù tul sónen yóm kekbéem kum? Moen de ke alì lenbutem yó kem kóm ubiha hótób?

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

Isaya 57:16

Deng tehe hlowilu yó kem dou tau ne là bud henlósu du ne yóm kduónu kul ne yóm kebutu kul.

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul