Isaya 64:6 - Udél Dwata: Gna Kesfasad ne Lomi Kesfasad

⁶ Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.

Isaya 64:6 Referans Kwoze

Sulat Pol Ebè Yó Kem Tau Hemtahu Bè Rom 7:18

Deng hónô tngónu yóm dou ktau, laen kô dù hyu nô béléu. Balù yóm kwen óyóu mò du yóm hyu, ewenem yó là kô dog gmou du.

Sulat Pol Ebè Yó Kem Tau Hemtahu Bè Rom 7:24

Tey hlayam nim ou, hol tahu tau laen gónón e kól. Hol kóyóu ke wen gembek lemwà dou bè nim lówóhu mit dou elem hatay.

Sikaraya 3:3

Yóm igò Jéswa mdà bè solu yóm hógów Dwata yó, tey nusing nesen.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Job 14:4

Tau du se gembek hólós yóm tau ke tehe là mólósen lemwót bè ksuten? Kaem laen duen.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Isaya 46:12

Hol hnungol ye ou yu kem tau mgel kulu. Ofo kuy ke tolo mima he yóm kegmò ye bè yó kem hohon ye.

Kem Lingón 51:5

Tódô mung bè ksutu yóm óyóu mò sidek. Nbuten bè keblolu yê dou, eles nô béléu yóm óyô mò sidek yó.

Deng Hegfan 7:13

Ominen mudél ebéléu yóm sotu bè yó kem tau tuha, monen mò do, “Tngónem kô mau kul yó kem mnes bukay yóó? Tngónem gónó le gu lemwót kô?”

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Husiya 4:19

Yó gónón gotu myuf kul yóm lenos bong alì kemgis. Angat tey sidek kyak le ke bud gbel bè nawa le yóm tehe gel kedsù le ebè yó kem dwata kéng.”

Kem Lingón 1:4

Okóm tólóng kul yó kem tau gel mò sidek. Yó gónó te e hmingón kul, hol lómón ke kafa halay, gotu le gmung holis bè lenos.

Isaya 1:30

Lemwót bè yóm nmò ye yó angat ye tódô menes, mkél ye bè kenes yóm koyu móyón matay, mkél ye bè yó kem hulu laen dù temwél du.

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

2 Samwél 22:46

Balù udì ke wen bud klóbô le, tódô setbol kkel le igò le hewà bè yóm gónó le gel heklung.

Kem Lingón 14:4

Ofo kul mon du ke là gel ton Dwata du yóm sidek gel nmò le. Yó udél Dwata, monen, “Laen kô dù bélê le ke hulung hedem. Tódô le mowil lan le lemugi yó kem dou tau. Hol mou kun ne ke tô le gel mni ebéléu yó kem tau gel mò sidek yó.”

Isaya 1:28

Okóm kdê yó kem tau mò sidek, yó kem tau kmogol du angat gotu hfatayen lu.

Isaya 8:17

Deng henbnos Dwata yó kem tauhen, okóm dou sana ksaligu du ne són du ken-gel nawahu.

Isaya 43:22

Bud mon Dwata, “Okóm kuy kem tau Israél, deng ye tmakas béléu, là bud ye tmaba ebéléu.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Danyél 9:13

Deng gotu dohò eta me kdê yó kem tafak deng snulat lem yóm Hlau Musis. Okóm efet ni laen deng gónó me hefligal du yóm sana Dwata hol gónó mogot ke knogol me yó kem salà me ne ke lolò me yóm kóm ktahu.