Biblia Todo Logo
Bib sou entènèt

- Piblisite -




Isaya 64:5 - Udél Dwata: Gna Kesfasad ne Lomi Kesfasad

5 Tey któbóngem kul yó kem tau hligal mò du yóm tedeng ne là klifót le du yóm hloloem kul bè klowil le. Tehe tey kebutem kum, okóm tódô senflós me mò du yóm sidek. Igò yóm tey kebutem kum mom henlel me mò du yóm sigol lemwót bè kbuten.

Gade chapit la Kopi




Isaya 64:5
27 Referans Kwoze  

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.


Balù kihu tau, ke wen klikoen ke Dwata, ne ke hol nmoen yóm hyu bè Dwata, là kô knogol Dwata du se kun, nô kihu se kun gónó gu mbut.


“Ou se yóm sana Dwata hol gónó mogot ne là kóen monol nawahu. Yó se gónó ye là deng sulék meglà yu kem sfu Jakub lemwót bè yóm là konol nawahu.


Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.


okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.


Hol dóyón tekuy Dwata. Hligal kun yóm tau wen klikoen ke Dwata, tendo hyu kegnómen du bè kimónen yó kem hlau Dwata.


Okóm bè yó kem tau wen klikò le ke Dwata, laen kô dù sónen yóm kbong nawa Dwata kul. Balù hilu bud lugod le, yó ne yóm kehyu nawan ebélê le


Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.


Yó nmò Dwata, bè yó kem tau là mulé du yóm deng tehe senfasad le, nalaken lu hlanen bè yóm là konol yóm kbong nawahen kul ne hlanen bè yóm kteneben bélê le.


Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”


Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.


Uu se, Dwata, gónó me mogot. Deng gel nogot le mi yó kem dumu tau, okóm tek sónen uu yóm hol kum gónó mogot.


Angat tulónu yóm là kilihen yóm kbong nawa Dwata tekuy. Tey kdóyónu du lemwót bè yóm deng nmoen bélê tekuy. Tey któbóng Dwata yó kem tau Israél lemwót bè yóm alì kkoduhen kul ne yóm là kilihen yóm kbong nawahen kul.


Okóm nim mi deng me gemsalà béléem, nmò me yóm là hyuhen. Deng natù me uu ne deng knogol me yó kem hlauhem ne yó kem hloloem kum.


Lemwót bè yóm nmò ye yó angat ye tódô menes, mkél ye bè kenes yóm koyu móyón matay, mkél ye bè yó kem hulu laen dù temwél du.


Yóm igò Jéswa mdà bè solu yóm hógów Dwata yó, tey nusing nesen.


Swiv nou:

Piblisite


Piblisite