Isaya 64:4 - Udél Dwata: Gna Kesfasad ne Lomi Kesfasad

⁴ Laen kô deng tau mton du yóm Dwata lómón uu, duhen ke deng wen gmungol du yóm Dwata gembek mò du yóm tennga nmò bè yó kem tau kemgel du nawa.

Isaya 64:4 Referans Kwoze

Kem Lingón 31:19

Tey bong, Dwata, yóm alì kehyuhem. Tey kbasahem kul yó kem tau wen klikò le kóm. Deng tey bong gendengem bè yó kem tau hofin béléem igò le temngel yó kem tau bè klamangen benwu.

Sulat Jim 5:7

Duhen yó, kem dumuhu setwoli, hol hanay ye nawa ye efet kkól yóm gónó tekuy mogot. Lómón yóm tau tmiba, sal hanayen nawan efet gutahen bungu yóm huluhen. Hanayen se nawan hmatan kulón mò htowok ne hbungu yó kem huluhen.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Kem Lingón 130:5

Tey kangatu du yóm któbóng Dwata do, ne tey kegléd nawahu du yóm udélen ebéléu.

Tekang Kbuten 49:18

Ó Dwata, uu se yóm hol nangatu mò lemwà kum.

Kun Snulat Jan 14:3

Ke sok deng kehetifesu bélê ye gónô nô,” monen, “bude semfulék edini naw e nangay yu. Yó se dou gónô nô, yó se kuy gónô nô.

Hibru 11:16

Okóm wen benwu hendeen le hyu senta yóm benwu yó, duhen yó sem benwu bè longit. Yó gónóm mon, laen kô gónó Dwata myak du yóm kmon le du, “Dwata lolò me kum.” Deng gotu hentifes Dwata bélê le ne yóm benwu gónó le angat nô.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

Kem Lingón 62:1

Tódóe htinof mangat ke Dwata, abay se lemwót béléen yóm dou kegewà.

1 Jan 4:10

Nim kbong nawa monu ni koni, sundu yóm kbong nawa tekuy ke Dwata, okóm tódô kun kbong nawa tekuy Dwata, hlanen bè yóm tehe khógówen yóm Ngaen mò lanen hmifót du yó kem salà tekuy.

1 Kurin 1:7

deng tódô ket du ne yóm kenhulung blay Dwata kuy bè yóm igò ye tolo semsangat du kkólen yóm gónó tekuy mogot Jisas Krays.

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

1 Tisalunika 1:10

Tulón le kum snéen yóm tendo kingat ye yóm bud kkól yóm Ngà Dwata gu bè longit, duhen Jisas yóm tehe hlowil Dwata. Bud du se yóm lemwà tekuy gu lem yóm angat ktafak Dwata yó kem tau là mimónen.

Isaya 40:31

Okóm yó kem tau són ken-gel nawa le yóm któbóng Dwata kul, tódô senflós Dwata tendo hulék kgis le. Hol lómó angat kmò le lómón yóm klinggel kóyóng yó kem banug. Ke mlóy le, là kô le mahil mubas. Ke tmonok le, là kô le mahil miteg.

Kem Lingón 103:18

syan ke là mkóhen bè nawa le yóm tehe senfasad le Dwata, ne ke hol le teneb mimón du yó kem kun hlau.

Isaya 59:12

Ó Dwata, deng tey wen ne yóm salà me béléem. Yó kem sidek deng nmò me yó, yó se fen kmamo kum béléem. Deng gotu dilô me ne yó kem salà me.

Danyél 9:5

Okóm nim mi deng me gemsalà béléem, nmò me yóm là hyuhen. Deng natù me uu ne deng knogol me yó kem hlauhem ne yó kem hloloem kum.

Danyél 9:8

Ó Dwata yóm sana Dwata hol kum gónó mogot, tey bong kyak me béléem gomong yó kem tau hol geta me ne yó kem sfu tau hol geta genlal bélê me, kkólen bè yó kem tehe fù me, lemwót bè yóm deng kegsalà me béléem.

Danyél 9:15

Ne ni Dwata, uu se yóm sana kum Dwata hol gónó mogot deng me gemsalà béléem, hono sidek yóm gel nmò me igoen tey tótól yóm boluyem efet yóm kmoen ni lanem tehe lemwà yó kem tauhem gu bè Idyip, botong kóm kegbek.

Sikaraya 10:9

Balù yóm deng gotu keseklahu kul bè yó kem tólóng benwu, okóm bè yó kem benwu mayuk deng gónó le nô yó, sana tolo kehedem le do bè yó. Tolo le mowil, mung kul kem ngà le ne gotu le slomong mulék ebè yóm sana kul benwu bè Israél.