Isaya 64:2 - Udél Dwata: Gna Kesfasad ne Lomi Kesfasad

² Lómó ksinsig le lómón ke él kmodok ta yóm tey ofi. Géhéli ne, hegfanem kfasangem bè yó kem hohonem. Hetbolem kkel le bè soluhem yóm kdéen tau bè klamangen benwu.

Isaya 64:2 Referans Kwoze

Kem Lingón 99:1

Dwata se yóm Hol Geta. Hol le gotu kenkel yóm kdéen tau. Myón bè yóm gónón kmamal bè gónón sóól yó kem hógówen boluyen sirubim. Hol megsinsig yóm klamangen tonok.

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.

Kem Lingón 106:8

Baluen ke lómón yó nmò le, sana kehewaen kul, lanen dmohò yóm deng tehe fasaden kul, ne mò gónón hegfan yóm tey kfasangen.

Kem Lingón 83:13

Ó Dwata, lómón ke kfung nyuf lenos kmoem kul, ne lómón ke kafa halay nyuf lenos.

Kem Lingón 79:10

Moen du ke bayaem lu mudél yó kem tau bè tólóng benwu, yó kem tau là temngón kóm, yó udél le, “Nô se Dwata le du?” Hegfanem bélê me yóm kbelesem kul bè yóm khatay le yó kem tóbóng lówóhem.

Kem Lingón 9:20

Heslafem lu bè klikò le, Dwata. Hegnómem kul olo le tau tonok se kul.

Amus 4:12

“Yó gónóm mon, kem tau Israél, angat bud wen he sidek nmou bélê ye. Lemwót bè yóm angat nmou bélê ye ni, kem tau Israél, eles ye htifes bè yóm angat kdà ye bè solu yóm Dwata ye.”

Mika 1:4

Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

Sikaraya 14:4

Bè yóm kdaw yó, angat mdà ta Bulul Ulib Dwata, yóm bulul fi dmata kdaw Jirusalim. Ne yóm Bulul Ulib yó, tódô meskang bè gónón sóól, baling datal lamang lenwóten fi dmata kdaw kól desdef. Yóm sóól yóm bulul yó tódô mili fi bwak ne yóm sóólen tódô mili fi leged.