Isaya 64:12 - Udél Dwata: Gna Kesfasad ne Lomi Kesfasad

¹² Ó Dwata, là dog kenmónem kul kô yó kem deng nmò le bélê me ni? Laen dù lanem tmóbóng kum kô? Henlósem hmayam kum kô efet là bud gbek me hembala du?

Isaya 64:12 Referans Kwoze

Isaya 42:14

Yó mon Dwata, “Tey kegenu tódô neb, là kô bnalau du yóm kni le ebéléu yó kem dou tau. Okóm ni ne kkól yóm butengu malà kul ne tódóe hetê, lómón yóm libun mlutut ke kól yóm kdawen sut blututen, tódô lemangat.

Sikaraya 1:12

Bè yóm kungolen du yóm tulón le du yó, yó nmoen mni bè Dwata, monen, “Ó Dwata, yóm Dwata laen dù là gbeken du, deng hitu folò halayen ni ne yóm tendo kebutem du yóm syudad Jirusalim ne yóm benwu Juda. Kegenen de yóm alì kebutem ni efet bud knoduhem lu?”

Kem Lingón 83:1

Ó Dwata, béi tódô htinof kut, béi tódô neb, béi là hekmón, Dwata.

Deng Hegfan 6:10

Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?

Kem Lingón 10:1

Ó Dwata, moen de ke hlayuki béléu? Moen de ke henbnosem ou bè yóm igoen wen hlayamu?

Isaya 63:15

Ó Dwata, hol knudungem mi gu dyó bè yóm gónóhem nô bè longit. Tngón me yóm klaen dù belenem ne yóm tey kegetahem. Gónón nô se yóm alì kehedemem kum du? Ne yóm kfasangem, gónón nô de? Gónóhen nô se yóm kbong nawahem kum ne yóm kkoduhem kum? Hol béem tódô bayà mi sen.