Isaya 64:11 - Udél Dwata: Gna Kesfasad ne Lomi Kesfasad

¹¹ Ne yóm Gónóem bè yó, yóm tey Gónô tilob gónó le tehe dmóyón kóm yó kem fù me, deng gotu ntem yó kem hohon me. Kdê yó kem nfun me alì kenbong nawa me, deng gotu gbà.

Isaya 64:11 Referans Kwoze

2 Bok Kem Tau Hol Geta 25:9

Gotu htemen yóm Gónô Dwata bè yó, ne yóm gónô bong yóm tau hol geta, ne kdê yó kem dumu gónô lem Jirusalim. Ket gónô lembang, gotu htemen.

2 Tutul Israél 36:19

Gotu htemen yóm Gónô Dwata ne yóm syudad Jirusalim, gomong yó kem gónô bong bè yó, mung du yó kem kendengen le. Gotu hegbaen snéen yóm beng hmilol yóm syudad Jirusalim.

Jirimaya 52:13

Yó nmò yóm kmandér yó, gotu ntemen yóm Gónô Dwata ne yóm gónô bong yóm tau hol geta mogot kul ne kdê yó kem dumu gónô bè Jirusalim. Gotu hegbaen snéen yóm kdê gónô lembang lem Jirusalim.

Matyu 24:2

Omin Jisas mon du mò kul, “Hol tenngel ye dé yóm kdê ton tekuy ni. Tódô tulónu kuy ktahuhen, angat kól yóm kdawen laen kô dù tebel bè ni kem beng botu nii, tódô gotu lenusok le.”

2 Tutul Israél 7:6

Lemwót yó kem tau gel blóng ebè Dwata, mdà le bè yóm gónó le hdà kul lem Gónô Dwata, senged se yó kem sfu Libay, semngal le, mon le, “Yóm là konol yóm kbong nawan, laen kô dù tul sónen.” Yóm kesngal le yó, hmung le bè yó kem nuni tehe hmò Dabid yóm tau hol geta, bè yóm gel kdóyónen ke Dwata. Mdà sbalà yó kem sfu Libay yó kem tau gel blóng ebè Dwata fen mféw yóm igò le mdà bè yó se yóm kdéen tau Israél.

2 Tutul Israél 7:3

Timbow ton yó kem tau Israél yóm ofi mkal lemwót gu bè longit yó, ne tódô tfengen lem yóm Gónô Dwata yóm tey keslinang Dwata, tódô le gotu lemfen bè tonok, tmaba le ebè Dwata, mung du yóm kdóyón le du, mon le, “Tey hyu yóm Dwata, yóm kun kbong nawa là kóen monol ne laen kô dù tul sónen.”

2 Tutul Israél 6:4

Yó monen, “Hol megdóyón Dwata yóm kum Dwata kem tau Israél. Deng dnohoen yóm tehe fasaden ke Dabid yóm dou mà, bè yóm tehe kmonen du mò du,

1 Bok Kem Tau Hol Geta 8:56

“Hol dóyón tekuy Dwata, lemwót bè yóm deng keheneken benwu tekuy kem tauhen Israél, lómón yóm deng fasaden tekuy. Deng gotu dohò yóm kdê tehe fasaden hlanen bè Musis, yóm tau tóbóng lówóhen.

1 Bok Kem Tau Hol Geta 8:14

Omin Selumun beklil ebè yó kem tau Israél mdà bè yó bè soluhen, ne mni bélê le bè Dwata. Yó monen,

Isaya 63:18

Mi se yó kem tau deng hetfingem mò kóm nfun. Okóm deng lo le mi gu bè kum benwu yó kem hohon me. Tek likót me mfun du yóm Gónóem. Okóm ni, deng gotu genbà yó kem hohon me.

Sikaraya 1:12

Bè yóm kungolen du yóm tulón le du yó, yó nmoen mni bè Dwata, monen, “Ó Dwata, yóm Dwata laen dù là gbeken du, deng hitu folò halayen ni ne yóm tendo kebutem du yóm syudad Jirusalim ne yóm benwu Juda. Kegenen de yóm alì kebutem ni efet bud knoduhem lu?”