Isaya 64:10 - Udél Dwata: Gna Kesfasad ne Lomi Kesfasad

¹⁰ Yó kem kóm syudad, hol lómón ke deng le baling benwu là hyu menwu du. Yóm Jirusalim, deng gotu gbà, laen dù bud tau nô lemen.

Isaya 64:10 Referans Kwoze

Isaya 1:7

Yóm klamangen benwu ye deng gotu genbà yó kem hohon ye. Ne yó kem syudad gónó ye tehe nô deng gotu ntem le. Igò ye temngel, tódô nled yó kem tólóng tau yóm tonok ye ne gotu hensidek le yóm kdéen nô tahen.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Danyél 12:7

Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”

2 Bok Kem Tau Hol Geta 25:9

Gotu htemen yóm Gónô Dwata bè yó, ne yóm gónô bong yóm tau hol geta, ne kdê yó kem dumu gónô lem Jirusalim. Ket gónô lembang, gotu htemen.

Kun Snulat Luk 21:21

Bè yóm kdaw yó, yó kem tau menwu bè prubinsya Judiya, eles le hol mlóy elem bulul. Ne yó kem tau nô bè Jirusalim, hol le mlóy se kul. Ne béen abay wen bud husek elemen yó kem tau lemwót gu hilolen.

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Isaya 52:1

Ó Jirusalim, hekgisi. Angati bud mulék geta. Uu se yóm hol kun syudad Dwata, bud hen-gulékem knóem anì bud mulék yóm keheklóónem. Là kô le bud husek ebè bak tikebem yó kem tau là hemtahu le bè Dwata.

Jirimaya 52:13

Yó nmò yóm kmandér yó, gotu ntemen yóm Gónô Dwata ne yóm gónô bong yóm tau hol geta mogot kul ne kdê yó kem dumu gónô bè Jirusalim. Gotu hegbaen snéen yóm kdê gónô lembang lem Jirusalim.

1 Tutul Israél 23:5

Yóm fat libu mò mentey bè bak tikeb yóm Gónô Dwata, ne yóm dù fat libu, yó kul nmò fen semngal yóm sngal dmóyón ke Dwata hmung le bè yó kem gel nuni deng hmou.”

Isaya 63:18

Mi se yó kem tau deng hetfingem mò kóm nfun. Okóm deng lo le mi gu bè kum benwu yó kem hohon me. Tek likót me mfun du yóm Gónóem. Okóm ni, deng gotu genbà yó kem hohon me.

Hagay 2:3

“Wen kô bélê ye gemtulón du nawa yóm tey tehe keklóón yóm dou Gónô? Kmò kton ye du se nim Gónô hdà ye ni? Lómón ke là gsengeden du yóm gnan.