Isaya 61:7 - Udél Dwata: Gna Kesfasad ne Lomi Kesfasad

⁷ Là bud wen gónó ye myak ne, ne laen se dù tau bud hemyak kuy. Angat ye tódô henek bè yóm kuy benwu. Tódô sónmoen temnù yóm kendengen ye ne laen kô dù sónen yóm kligal ye.

Isaya 61:7 Referans Kwoze

Job 42:10

Timbow deng kogol yóm kni Job bè yóm tlu kem ween, ya tey bud kehdengen Dwata du. Botong lewu duléken bud hulék du ebè Job yó kem deng lana béléen.

Sikaraya 9:12

Ó kem tau negef, deng wen nefet nawa ye ne ni, hol ye bud semfulék ebè yóm sana kuy benwu, yóm benwu gónón laen dù hemen ye. Wen fasadu kuy kemdaw ni, lewu duléku he bud hulék du ebélê ye yóm tóbóngu kuy bè ket keglayam ye.

Isaya 40:2

Hol genduf ye lu yó kem tau bè Jirusalim. Tulón ye kul deng geblaen yó ne yóm keglayam le ne deng gotu hnifótu ne yó kem salà le. Yóm deng ktafaku kul, tódô geblà du ne bè kdê yó kem salà tehe gel nmò le.”

Kem Lingón 16:11

Tendo gel hegfanem béléu yóm lan ebè yóm klowil laen dù sónen. Angat tey kligalu bè yóm angat knóu dyó béléem, ne laen kô dù sónen yóm kbeyen nawahu béléem.

2 Bok Kem Tau Hol Geta 2:9

Bè yóm kkól le fi fatu, yó mon Ilaydya mò ke Ilaysa, “Gu laan Dwata là deng mit dou, tedu se nóyô hmoem do du?” Bnalà Ilaysa se, monen, “Blayem do yóm tulusem anì ou mò tlesem.”

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

Matyu 25:46

Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”

2 Tisalunika 2:16

Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.

Kem Lingón 126:5

Yó kem tau tehe mkik bè yóm igò le mehek, tles bud hefligalem lu bè yóm kuta le.

Isaya 54:4

Hol béi abay bud hlikò, laen kô dù gónóm myak. Ne laen kô dù tau hemyak kóm. Tódô klifótem yóm tehe là kgulitem bè yóm hanà tolo klomihem tau. Ne bud klifótem snéen yóm alì sidek keblat nawahem bè yóm klibunem bolu.

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.

Isaya 60:15

Là bud knogolu kóm ne, Jirusalim ne là bud knutó nawahu kóm. Là bud sentagak le kóm ne yó kem tauhem ne là bud gnómem du ne yóm kifut nawa. Angat tey kehegetahu kóm ne tey keheklóónu kóm. Angati baling benwu hligal, yóm kligal laen dù tul sónen.

Sifanaya 3:19

Bè yóm kdaw yó, tey angat sidek ktafaku kul yó kem tau gel hemgnok kuy. Lenwau yó kem tugô bélê ye ne gotu bud sentifunu yó kem tauhu deng sekla. Kóhu bélê le yóm tehe kyak le, tlesu du yóm gónó le megdóyón. Angat tey kadat le kul bè klamang yóm benwu tehe gónó le myak.