Biblia Todo Logo
Bib sou entènèt

- Piblisite -




Isaya 61:3 - Udél Dwata: Gna Kesfasad ne Lomi Kesfasad

3 Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

Gade chapit la Kopi




Isaya 61:3
39 Referans Kwoze  

Yóm klangagu, deng henbalingem kligalu madal. Deng gotu kóhem yóm nes langag leseku, ne tenlesem kligal.


Tódô tulónu kuy ktahuhen,” monen, “angat tey sidek kedlumu ye mkik, okóm fen le hligal kul yó kem tau là hemtahuhen. Angat tey sidek klangag ye, okóm bud mulék kligal yóm klangag ye yó.


Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.


Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.


Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.


Baluen ke deng le moni yó kem hohonu, mom htonem kul yóm kkayem dou ken. Lómón ke ou yóm tau hol nadatem mauy béléem. Laen selen yóm tey kligalu bè yóm nmoem béléu.


Yakà deng tehe benlihen tekuy, ne tey mebtes yóm keblihen tekuy. Duhen yó, bè kmò kwit tekuy yóm lówó tekuy, hol nmò tekuy yóm gónó Dwata megdóyón.


Ominu mon du, “Ke yó dum hyu béléem, yake benlay ye yóm ulew là nusingen snéen.” Tahu se, ulew le du yóm là nusingen ne hesek le du yóm nes lomi yóm igoen mdà bè yó yóm hógów Dwata yó koni.


Sotu bud hnihu anì hol hyu yóm kmò ye lemwót bè yóm gel któbóng Jisas Krays kuy. Ne bè yó se hol gónó Dwata megdóyón bélê ye.


Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”


Kewót Murdikay bè yó bè gónô bong yóm tau hol geta leseken yóm nes bè yóm kegetahen, yóm nes ginggung ne bukay ne bud wen nes tilob megem ginggung suen tahen. Hyu wen kuruna blówón alì knóón suub bè kuluhen. Bè yóm kungol le du yó kem tau bè yó bè Susa yóm lomi udin yó ya tey kehligal le.


Ke wen semdekà kuy lemwót bè yóm klolò ye ke Krays, hol ye hligal dé. Abay se yóm nmò le yó, yó se ilô yóm knóen bélê ye yóm Tulus Dwata, yóm hol mfasang bè kdéen.


Okóm yóm maen, tódô kendel tnabahen yó kem tau mò nmò béléen, ne monen mò kul, ‘Hetlasik géhél nit ye dou edini yóm nes alì tilob mò lesek nim ngau. Ma ye do tising mò suu bè tdoken, ne tlumfaen.


Ni se yó kem kdaw keglà kem Ju kul yó kem hohon le. Ni se yóm bulón hol kbalingen kligal yóm tehe alì klangag le. Yó hmò le kul, mò le ken bong ne gel wen senblay le ne bud gel benlay le yó kem tau élél.


bè yóm kdaw kkólen yó. Yó se yóm kdaw hol kegdóyónen bè yó kem kun tau, yóm kdaw hol kadat le du yó kem tau hemtahu. Angat ye gomong se kuy, abay se deng hentahu ye yóm tehe tulón me kuy.


Yó gónón megdóyón Mà ke hol ye mungu, ne yó se gónón gdilô yóm klolò ye do.


Wen se mò gónó le ma tifas grép mò ninum le mò hefligal kul. Ne wen se gónó le ma hnolo ulib mò lunol le bè lówó le. Ne wen se mò gónó le ma ken mò hekgis kul.


Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.


Ne bnalà Jisas lu, bede hningónen, monen, “Yóm hulu là kun hulu du yóm Mà bè longit, angat tódô kenduten.


Nim mi, stóbóng me mò nmò bè Dwata. Ne yu, hol lómón ke kun tniba Dwata. Sotuhen, lómón ke yu yóm gónô hdà Dwata.


Tey hyu nawahem du yóm nmò tedeng, ne kenbéem yóm nmò sidek. Yó gónóhu mélék kóm mò hegetahu ne mò hnigalu senta yó kem dumuhem.”


Abay se yóm Dwata, tey hligal bè yó kem tauhen. Wen ofol blayen yó kem tau hulung heglaan, duhen yóm kehewaen kul.


Hennas ye dé yó kem bak tikeben ne hfusek ye yó kem tau teneb klolò le ke Dwata, yó kem tau gel mò du yóm tedeng.


Hol ye hligal mensag dé, yu kem longit seglafin. Ne yó kem tonok seglafin etlaan, mensag ye. Dalang se kuy kem bulul ne kdê yó kem koyu dlag, hol ye hligal mensag. Deng hegfan Dwata yóm kegetahen bè kehewaen yó kem kun tau Israél.


Igoen deng moni yóm kehegmou kuy, móyónen htó ne laen kô bud gónón ganggà. Angat lenwau Jirusalim ne hegetahu yó kem tau Israél bè yó.” Là gomongen bè nili yóm tsaptér 47. Yó tulónen bè ni yóm eles ktulón Isaya du yóm angat kegbà Babilun, yóm benwu alì tótól bè ksidek gel nmò le. Tulón Dwata bè yó kem tauhen yóm kéléken yóm benwu Babilun mò tmafak kul, okóm alì gedlug yóm kmò kem tau Babilun kul. Balù udì ke wen kodu le yó kem tau Israél. Okóm yó mon Dwata ebè yó kem tauhen, “Yóm alì gfà ye, bud huléku eta yó kem tau Babilun ne là kô le gewà du. Balù sotu bè yó kem gel snalig le ke tô gembek lemwà kul, balù yó kem wè le, ne yó kem tau wen gónó le ma, ne yó kem tau gónó le hmungol hlau duhen ke yó kem tau hulung temngel kógów blotik, là kô na le e gbek du lemwà kul.”


Ó Jirusalim, hekgisi. Angati bud mulék geta. Uu se yóm hol kun syudad Dwata, bud hen-gulékem knóem anì bud mulék yóm keheklóónem. Là kô le bud husek ebè bak tikebem yó kem tau là hemtahu le bè Dwata.


Omin le yó gotu madal yó kem sawang libun, tey kligal le. Dalang se yó kem logi, kem ngà logi kólen bè kem tuha gotu le hligal se kul. Wen kligal blayu kul mò tles yóm klangag le ne wen klaan nawa blayu kul mò tles yóm keblat nawa le.


Yóm tonok le angat tey tótól bè yóm alì ketbasen, anì yó là bud le bitil yó kem dou tau ne là bud le myak bè yó kem tólóng benwu kemhisik kul.


Bè yóm bud kesfulék me tey ketngahu, tey wen kem koyu tonu mteg sfatà tmubé yóm él yó.


Yó se gónóhu semgal yóm sngal dmóyón kóm, ne là kóe tódô yem. Ó Dwata, yóm Dwata hol gónó mogot, ne laen kô dù tul sónen yóm kdóyónu kóm yó.


Swiv nou:

Piblisite


Piblisite