Isaya 61:2 - Udél Dwata: Gna Kesfasad ne Lomi Kesfasad

² Hógówen o anì heglalagu bè yó kem kun tau yóm deng kkólen yóm kdaw kehewaen kul ne kehegmoen kul bè yó kem hohon le. Hógówen o snéen mò hemyu nawa yó kem tau wen lenangag le.

Isaya 61:2 Referans Kwoze

Matyu 5:4

Tey kehyuhen bélê le kul yó kem tau ke wen lenangag le, abay se Dwata angat mifa kul.

Isaya 57:18

Deng gotu tonu yó kem nmò le, okóm angat kóhu bélê le yó kem salà le. Nalaku lu ne tnóbóngu lu ne henyuhu nawa yó kem langag.

Kun Snulat Luk 4:19

Ne yó gónón hógów do anì naw e heglalag yóm deng kkól yóm kdaw któbóng Dwata tekuy yó kem kun tau.”

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Jirimaya 31:13

Omin le yó gotu madal yó kem sawang libun, tey kligal le. Dalang se yó kem logi, kem ngà logi kólen bè kem tuha gotu le hligal se kul. Wen kligal blayu kul mò tles yóm klangag le ne wen klaan nawa blayu kul mò tles yóm keblat nawa le.

Isaya 25:8

Ne nmoen sónen yóm hatay yóm Dwata hol dandónen geta. Tódô gotu nifuhen lewok bè mata yóm kdê le ne gotu kóhen bè yó kem tauhen bè klamangen benwu yóm gónó le gel myak. Yó se hol kun udél yóm Dwata hol gónó mogot.

Isaya 49:8

Yó bud udél Dwata ebè yó kem kun tau, monen, “Ke deng kól yóm kdawu lemwà kuy, hegfanu bélê ye yóm tey nawahu kuy ne bnalau yóm alì kehkodu ye mni tóbóng béléu. Gel bnenteyu yu he ne nofinu yu. Hlanu bélê ye yóm fasadu yó kem tau bè klamangen benwu. Tódô ye bud mulék he ebè yóm benwu ye tehe gotu lebà.

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Kun Snulat Luk 6:21

Tey kehyuhen bélê ye kuy, yu kem tau bitil nim kmoen ni, abay se angat ye gemtu. Tey kehyuhen bélê ye kuy, yu kem tau gel mkik nim kmoen ni, abay se angat ye kmuli.

2 Kurin 6:2

Hnungol ye yóm tehe mon Dwata, yóm monen, “Bè yóm deng kehto yóm buteng tehe fétu mò tmóbóng kuy, deng tódô gungolu se yóm taba ye do. Bè kehto yóm butengu lemwà kuy, deng tódô tnóbóngu yu.” Ngem, deng duhen ni se yóm kdaw tô któbóng Dwata kuy. Ne deng duhen ni se yóm kdawen tô lemwà kuy.

Isaya 1:24

Duhen yó, hol hnungol ye yóm udél yóm Dwata hol gónó mogot yóm Dwata laen dù là gbeken du, yóm Dwata kem tau Israél yóm alì mfasang. Yó monen, “Angat bnelesu yu, yu kem tau deng hmohon do ne là bud gehlala ye do ne.

Isaya 2:12

Bè yóm kdaw yó, gotu heglaan Dwata yó kem tau alì mfasang, yó kem tau hegmón, yó kem tau hegeta knô. Yó se angat nmò yóm Dwata laen dù là gbeken du.

Isaya 40:1

Yó udél yóm Dwata tekuy, monen, “Hol henyu ye nawa le yó kem dou tau, hol henyu ye nawa le.

Isaya 58:5

Bè yóm kfasting ye, glok ye alì heglayam knô ye. Tey keheglaan ye yóm kkudung ye, omin ye hnal yóm kumù sakù ne tey kohù bulus ye tahen mò gónó ye hlilil. Yó kô yóm mon ye fasting? Kmò kehedem ye du, hyu nawahu du kô yó?

Isaya 60:10

Yó udél Dwata ebè Jirusalim, monen, “Angat wen kem tólóng tau fen bud hemgulék hemdà yóm beng hilolem. Ne yó kem kul tau hol geta, angat tnóbóng le u. Tey tehe kebutu kóm, yó se gónóhu tmafak kóm. Okóm ni ne, hegfanu béléem yóm tey kehyu nawahu ebéléem ne yóm tey kkoduhu kóm.

Mika 3:8

Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.