Isaya 61:1 - Udél Dwata: Gna Kesfasad ne Lomi Kesfasad

¹ Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 61:1 Referans Kwoze

Kun Snulat Luk 7:22

Ne bnalà Jisas yó kem tau hógów Jan ebéléen, monen mò kul, “Mulék ye ne, na ye e tulón ke Jan yó kem deng ton ye, ne yóm deng gungol ye. Yóm tau butô tódô bud mton, yóm tau hikot tódô bud gógów, yóm tau gemnóm des mifù tódô gotu mkó, yóm tau bokong tódô bud mungol, ne yóm tau deng matay tódô bud mowil. Ne sotuhen,” monen, “yóm Tulón Hyu lemwót gu bè Dwata, deng gefet bè yó ne kem tau élél.

Isaya 42:7

Angat htonem yó kem butô ne angat hewaem yó kem tau geblanggù lem yóm gónón kmifu.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Kem Lingón 147:3

Henyuhen nawa yó kem tau deng lebà nawa le, bnausen yó kem halì le.

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Isaya 49:9

Yó udélu ebè yó kem tau geblanggù, monu mò kul, ‘Hewà ye ne.’ Ne yó kem tau nô bè gónón kmifu, yó bud monu mò kul, ‘Hewà ye ebè layag ne.’ Kehlingónu kul bè yóm deng kegewà le, lómón ke ubiha mótób bè talak bilil.

Kem Lingón 34:18

Tey moni bélê le Dwata yó kem tau wen gónón sidek kegnóm le du. Gel lenwaen yó kem tau laen dù bud nefet nawa le.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Matyu 3:16

Timbow hahun gu lem él Jisas, tódô henmungen hnas bè longit, ne tódô tonen se yóm Tulus Dwata htuntun etahen gu bè longit, hol lómó kmoen obun, ne tódô mdef béléen.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Kem Lingón 45:7

Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.

Kem Lingón 22:26

Bè yóm kdaw yó, tey kehdengen le mken yó kem tau élél. Ne tey kdóyón le ke Dwata yó kem tau hloni ebéléen. Hol laen kô dù tul sónen yóm kehyu Dwata klowil le.

Kem Lingón 102:20

nan e hnungol dolong yó kem tau blanggù, nan e lenwà yó kem tau deng kukum le kul hatay.

Kem Lingón 51:17

Yó dé henged mò dsuu ebéléem, Dwata, duhen yóm hol keheglaanu béléem. Là kô nam e kenbê du yóm tau ke heglaanen knóen ne hegsel bè salaen.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Isaya 59:21

Ne wen senfasad tekuy, duhen yóm keblayu du kuy yóm dou Tulus ne yóm dou tolok ne laen kô dù tul sónen yóm knóen bélê ye. Ne yó mò kuy fasad do, nbuten ni yóm hol kimón ye do. Yóm kimón ye do yó, hol senflós ye tmolok du bè yó kem ngà ye kkólen bè yó kem angat sfu ye.”

Hibru 1:9

Tey hyu nawahem du yóm nmò tedeng, ne kenbéem yóm nmò sidek. Yó gónóhu mélék kóm mò hegetahu ne mò hnigalu senta yó kem dumuhem.”

2 Kurin 7:6

Okóm yóm Dwata, tey hulung hemyu nawa yóm tau sidek keblat nawahen. Yó se gónón hemyu nawa me se kum bè yóm kkól Taytus.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Kem Lingón 69:32

Ke ton yó kem tau gel hen-gnok le yóm kdóyónu kóm, tey kehyu nawa le. Tey kegdufen kul yó kem tau gel tmaba ebéléem.

Isaya 66:2

Ou se deng mò du yóm longit ne tonok ne kdéen ton. Okóm tey kehyu nawahu bélê le yó kem tau heglaan béléu ne hegsel bè salà le, yó kem tau wen klikò le do ne mimón do.” Là gomongen bè nili yóm bérs 3 efet kól bè 24. Htulón Dwata ke Isaya yóm tey kehyuhen bè yó kem tau mimón yó kem udélen. Okóm bè yó kem tau là mimón du, yó udél Dwata gbak ebélê le bè bérs 4, monen, “Angat wen tey hlayam hwitu ebélê le, duhen kdê yó kem gel knikò le. Abay se bè yóm ktabahu, là tnimul le do. Soke mudél, là hnungol le do. Tey kmò le salà igou temngel kul. Deng mom nmò le yó kem deng tngón le alì kenbéu.” Duhen yó, bè yóm kdaw kehgulék Dwata klowil yó kem tauhen ne yóm tonoken, tódô segeng bè yóm kdaw khéét kkukumen yó kem tau là hemtahuhen ne yó kem tau là mimón du bè klamang benwu. Kesok kól yóm kdaw bud kehgulék Dwata yóm benwu Jirusalim ne yóm nan e bud kwit kul mulék yó kem tauhen mò nô bè yó, tódô mekto yóm kmoen du ne wen tilob ofol blayen kul. Gotu hógów Dwata yó kem kun tau ebè yó kem benwu là deng gmungol du yóm kun boluy, yó kem là deng mton yóm kun keklóón. Mon Dwata bè bérs 19, “Gotu hetngón le yóm dou keklóón ebè kdê but tau.” Bè són nim tsapter ni tulónen yóm fasad Dwata bè yó kem kun tau. Monen bè bérs 22, “Yóm klaen tul sónen yóm lomi longit ne tonok, lómón yó se klaen dù sónen yóm ktauhu kuy, ne là se kóen lana yóm kuy boluy.”

Kem Lingón 25:9

Toloken yó kem tau hulung heglaan yóm tedeng, ne toloken kul yóm kun lan.

Kun Snulat Jan 1:41

Kewót Andru bè yó, nan e kendel tódô hnebel twoguhen Simun, ne tulónen du, monen, “Ó Wog, deng ton me ne yóm Misaya.” (Yó lanen yóm boluy Misaya yó, duhen “Krays.”)

Kem Lingón 149:4

Abay se yóm Dwata, tey hligal bè yó kem tauhen. Wen ofol blayen yó kem tau hulung heglaan, duhen yóm kehewaen kul.

Kul Nmò 4:27

Yó tendoken yóm tehe udél Dabid yó, duhen yóm lomi kestifun le bè nim benwu ni le Hirod ne Puntyus Paylét, mung kul yó kem tau là Ju le dalang se yó kem Ju. Kul atul yóm khatay le ke Jisas, yóm tau tóbóng lówóhem laen kô belenen deng hógówem elem blóng me, yóm Misaya tehe nélékem.

Isaya 52:9

Ó Jirusalim, holi hligal mensag, balù yóm deng kegbaem. Angat lenwà Dwata yóm kun syudad ne henyuhen nawa yó kem tauhen.

2 Kurin 3:17

Yóm gónó mogot monen yó, du se yóm Tulus Dwata. Ne ke deng nô bélê tekuy yóm kun Tulus yóm gónó tekuy mogot, là bud tekuy gfét du ne yóm hlau gnan.

Isaya 30:19

Yu kem tau nô bè Jirusalim laen dù bud nkik ye ne. Yóm Dwata tey kkoduhen tau. Ke hol ye mni tóbóng béléen bnalaen yu.

Isaya 30:26

Yóm nóng bulón lómón ktatawen nóng kdaw. Ne yóm nóng kdaw alì mkay senta yóm gna gel knóngen. Ni se kmoen bè yóm kdaw angat kbulung Dwata du yó kem tehe halien kuy ne gotu hkóhen lu. Là gomongen bè nili yóm bérs 27 kól bè 33. Bud tulón Isaya yóm angat kkól Dwata mung du yóm tey sidek kebuten yó kem hohonen, kem tau Asirya. Ke uhayen eta le yóm sigelen alì kemgis mit du yóm ofi gónó meglà, mung du yóm hol yéen kulón bong, lel leték ne bulók kulón alì lembang mò na a gemlà kul. Bè yóm keglà yó kem hohon le, gotu le hligal semngal kdê yó kem tau Israél ne huni le yó kem tamburin le ne yóm sotu gel kenbit le. Yó monen bè bérs 33, “Yóm benwu Tufét, benwu gónó le gel mtem deng legen ne eles ketgama le du bè yóm tau hol geta bè Asirya, deng eles wen tey tumfuk koyu luduk le bè yó. Yó mò hdilóf du, yóm nawa gu lem bak Dwata, hol lómón ke ofi gu bè yóm bulul btù.”

Isaya 32:7

Tey sidek yóm tau là hulungen hedem yó, hono sidek yóm gel nmoen. Sónmoen matul du yóm lanen hemsidek yó kem tau élél hlanen bè kéng. Ne hensengen lu anì là guta le du yóm kul ktahu.

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Isaya 52:7

Tey minggel mton du yóm tau hógów le hulé bulul niten yóm tulón hyu. Yó lemen, duhen yóm tulón mit kenek nawa. Gotu heglalagen yóm deng kegmò le bè kem hohon le. Ne yó udélen ebè yó kem tau bè benwu Sayun, monen, “Yóm kuy Dwata, du se hol dandónen geta mogot klamangen.”

Isaya 57:18

Deng gotu tonu yó kem nmò le, okóm angat kóhu bélê le yó kem salà le. Nalaku lu ne tnóbóngu lu ne henyuhu nawa yó kem langag.

Mika 3:8

Okóm béléu dou, deng sù Dwata béléu yóm kun Tulus ne yóm kun kfasang. Ne hetngónen do yóm kukum tedeng ne benlayen o là klikò tmulón du bè yó kem tau Israél yó kem salà le.

Kem Lingón 68:7

Ó Dwata, bè yóm tehe kalakem yó kem kóm tau gu bè Idyip, bè yóm kehlalakem kul bè yóm benwu laen hol wen tauhen,

Jirimaya 52:33

Wen nes lomi blayen du mò tles yóm nes blanggù leseken ne gel hmungen mken bè yóm kun lemisa efet katay Jihuyakin.