Isaya 6:8 - Udél Dwata: Gna Kesfasad ne Lomi Kesfasad

⁸ Ominu mungol yóm udél Dwata, yó monen, “Tau du se bang dóku du? Tau du se bang hógów tekuy du?” Tódô bnalau se, monu, “Ou dé hógówem.”

Isaya 6:8 Referans Kwoze

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Kul Nmò 22:21

Bud mon yóm gónóhu mogot mò dou, ‘Lemwóti ne, abay se mayuk gónóhu e hógów kóm elem blóng yó kem tau là Ju le.’ ”

Isaya 65:1

Yó udél Dwata, monen, “Deng eles hendemu ne kbalau du ke mni le béléu yó kem dou tau, okóm là sem dog le mni béléu. Deng eles nangatu ne yóm kebel le do, okóm là sem dog nebel le do. Là kô le dog mni béléu yó kem tau bè dou benwu, igou sem deng eles mangat kul anì yó tô monu mò kul, ‘Ni ou. Angat tnóbóngu yu.’

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Tekang Kbuten 1:26

Ne yó bud mon Dwata, “Mò tekuy tau dé, mkél bélê tekuy mò mogot yó kem kentihen mowil lem él, ne kentihen móyóng te kmawang ne kentihen kay ógóf, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken.”

Tekang Kbuten 11:7

Hyu ke mnaul tekuy ebélê le,” mon Dwata, “na tekuy sentólóng udél le anì là bud le setngón.”

Isikél 1:24

Ke móyóng le, yóm uni lefluk le hol lómón ke luk yóm hikong bong ne lómón ke udél yóm Dwata laen dù là gbeken du, ne lómón ke hensag yóm tey sendalù wen. Ke là bud le móyóng tódô bud sentifes le se yó kem hafak le.

1 Bok Kem Tau Hol Geta 22:20

Yó udél Dwata, monen, ‘Tau du se gembek tminggì ke Ahab anì mit sfatay bè Ramut-gilyad anì hnatay le ditu?’ Dê se mò tô kehlan le du,

Tekang Kbuten 3:22

Ne yó bud mon Dwata yóm hol gónó mogot, “Ngem, yóm tau deng baling mkél tekuy, deng tngónen yóm hyu ne deng tódô tngónen se yóm sidek. Là kóen hyu ke ma bè yóm koyu hlowil tau, abay se ke kenen tódô hlós mowil.”

Kul Nmò 9:4

Tódô gdouf bè tonok, sen-geng gungolen se yóm mudél, monen, “Ó Sol, Sole. Moen ni du ke sónmoem hmayam dou?”

Kul Nmò 26:19

Bud mon Pol, “Yóm deng hegfan Dwata béléu ni, Datù Agripa, hol là gbeku du ke là nimónu du.

1 Samwél 3:4

Omin Dwata tmaba ke Samwél, monen, “Ó Samwél, ó Samwél.” Bnalà Samwél se, monen, “Boluyen de?”

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

2 Samwél 1:7

Bè yóm kebeklilen, tonen ou ne tnabahen ou. Bnalau, monu, ‘Tedu yó du?’