Isaya 6:7 - Udél Dwata: Gna Kesfasad ne Lomi Kesfasad

⁷ Lemwót yóm bala ofi nwiten, duen bè sumóngu ne yó udélen ebéléu, monen, “Lemwót bè yóm kduu bè sumóngem ni deng mkó tahem ne yóm hen-gselem yó. Ne deng gotu hnifót Dwata ne yó kem salaem.”

Isaya 6:7 Referans Kwoze

Jirimaya 1:9

Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

Danyél 10:16

Ominen lemwót yóm lómón tô tau ktonu du nduen sumóngu, ominu yó gudél. Yó udélu ebè yóm mdà bè soluhu yó, monu, “Ó Sér, tey sidek klikou du yóm deng hton Dwata do, botonge lenmek.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Isaya 53:10

Yó udél yóm Dwata hol gónó mogot, monen, “Tódô lemwót bè dou kóyô yóm keglayamen yó. Yóm katayen, yó se yóm hol dsù mò lanu hmifót salà. Kogol yóm katayen yó, angat tonen yó kem semfu gu béléen, duhen yó kem hemtahu du ne angat tahà klowilen. Ne mlan béléen gónón dohò yóm dou atul.

Isaya 53:5

Okóm tódô lemwót bè salà tekuy yóm gónón hnalì yó. Ne lemwót bè ksidek nmò tekuy gónó le alì hemsidek mfes du. Fen tekuy tódô hyu lemwót bè yóm alì sidek ktafak le du. Gotu mkó ta tekuy yóm kdéen sidek lemwót bè yóm alì sidek kfes le du.

Lista 16:46

Ne yó mon Musis mò ke Aron, “Nahem yóm gónóm gel hemsù ofi, suem lemen yóm bala ofi lemwót bè yóm gónó le gel demsù ne bnulusem insinsu. Géhél hetlasik nwitem elem blóng yó kem tau ne nmoem lem blóng le yóm sana gel nmoem bè khólós tau anì mólós le bè kton Dwata kul. Hetlasiki, abay se deng sut yóm lebut Dwata ne deng wen des mekto sut lem blóng le.”

Isaya 40:2

Hol genduf ye lu yó kem tau bè Jirusalim. Tulón ye kul deng geblaen yó ne yóm keglayam le ne deng gotu hnifótu ne yó kem salà le. Yóm deng ktafaku kul, tódô geblà du ne bè kdê yó kem salà tehe gel nmò le.”

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Isaya 57:19

Wen kenek nawa blayu kul yóm kdê le, tau moni duhen tau mayuk. Tódô kóhu bè yó kem dou tau yó kem salà le.

Sifanaya 3:9

“Bè yóm kdaw yó, tenlesu yóm ksumóng tau anì baling mólós ne anì tódô kdê le tmaba bè yóm dou boluy ne ssotu nawa le lemolò dou.

Sikaraya 3:4

Duhen yó, yó udél yóm hógów Dwata ebè yó kem dumu mdà bè yó, monen, “Kó ye béléen yóm nes nusingen.” Ominen beklil ebè Jéswa ne monen mò du, “Ngem, deng kóhu béléem yó kem salaem ne ni blayu kóm yóm nes lomi là nusingen nii.”