Isaya 6:6 - Udél Dwata: Gna Kesfasad ne Lomi Kesfasad

⁶ Ominen lemwót yóm sotu bè yó kem mdà hilol Dwata, móyóng gu tta ebéléu wen bala ofi nwiten, snufiten gu bè yóm gónó le gel mtem yóm gel hboo le ebè Dwata.

Isaya 6:6 Referans Kwoze

Hibru 13:10

Deng wen se mdengen dsù tekuy yóm kdê tekuy deng hemtahu bè Jisas. Okóm yó kem Ju gel demsù bè yóm kul gónô gel demsù, laen dù kwalis le mken du kul yóm dsù tekuy yó.

Hibru 1:7

Ne yó fen udél Dwata gbak ebè yó kem gel hógówen, yó monen, “Yó kem gel hógówu gu bè longit, gbeku hembaling kul lenos duhen ke dilóf ofi.”

Isaya 6:2

Wen kem hógów Dwata mdà gu hilolen hol lómón ke dilóf ofi kmò le. Sket kul na nem hafak le. Yóm lewu hafak le lenimunen uyó le. Ne bud yóm lewu lenimunen ti le. Ne yóm lewu dù hafak le mit kul móyóng.

Hlolò 16:12

Ominen ma yóm gónó le gel mit ofi ne nlemen yóm bala ofi nô bè yóm gónó le gel demsù. Ne wen lewu kuf insinsu bulus bud nwahen, yóm alì tilob boohen ne nwiten elem yóm Dfél hol gónón nô Dwata.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Kul Nmò 2:3

Omin le mton yóm lómón tô dilóf ofi, tódô ket tau gónón e seklab nô.

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Lista 16:46

Ne yó mon Musis mò ke Aron, “Nahem yóm gónóm gel hemsù ofi, suem lemen yóm bala ofi lemwót bè yóm gónó le gel demsù ne bnulusem insinsu. Géhél hetlasik nwitem elem blóng yó kem tau ne nmoem lem blóng le yóm sana gel nmoem bè khólós tau anì mólós le bè kton Dwata kul. Hetlasiki, abay se deng sut yóm lebut Dwata ne deng wen des mekto sut lem blóng le.”

Jirimaya 1:9

Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.