Isaya 6:5 - Udél Dwata: Gna Kesfasad ne Lomi Kesfasad

⁵ Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Isaya 6:5 Referans Kwoze

Jirimaya 1:6

Yó balau ke Dwata, monu, “Adéy Dwata yóm hol dandónen geta, là gbeku du ke ou mò hudélem. Yakà hanae lomi tau.”

Kehewà 6:30

Okóm yó balà Musis du, monen, “Tngónem se là kóe hulung mudél. Neet he ke tô hnungol Faro ou.”

Kehewà 4:10

Okóm mom yó balà Musis du, monen, “Hnifótem o, Dwata. Béem hógów ou etu. Yakem hulunge mudél lem blóng tau dou. Tódô lemwót bè kbuten efet nim kestulón te ni, là kóe hol hulung mudél. Malù batul kudélu.”

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Kehewà 6:12

Okóm yó balà Musis du, monen, “Sélét mom tô Faro ne hmungol dou anien se yó du kem tau Israél, là kô hnungol le dou. Abay se là hulunge mudél lem blóng kem tau.”

Kmukum 6:22

Yó he ketngón Gidyun du hógów Dwata gu bè longit yóm tonen, ya tey sidek klikoen. Yó udélen, monen, “Ó Dwata yóm hol dandónen geta, deng tonu yóm hógówem gu bè longit, deng me tódô suyó.”

Kehewà 33:20

Là htonu du kóm yóm uyóhu abay se laen dù deng tau mton do ke bud mowil.

Kmukum 13:22

Yó mon Manu mò ke yehenen, “Bang katay te ni abay se deng ton te Dwata.”

Isaya 33:17

Angat wen kdawen kton ye du yóm sotu tau hol dandónen geta kmamal yóm klamangen ne tey klinggelen.

Hbakuk 3:16

Bè yóm kungolu du yó kem deng tehe nmoem yó, botonge kenkel. Tódô setbol kkel sumóngu, botong klikou. Tódóe lenmek, botonge gluduk lemwót bè alì klikou. Okóm naw hfu imaku mangat du yóm kdaw bud kehwit Dwata du ebè yó kem tau mled benwu me yóm tey glumfak yó ekni.

Kehewà 24:10

ne bè yó ton le yóm kul Dwata yó kem tau Israél. Yóm gónóhen mdà tey sminang, lómón kenawen longit bede tey mtataw.

Lista 17:12

Yó udél yó kem tau Israél ebè Musis, mon le, “Ke lómón ni se kmoen, matay me ne yó.

Isaya 59:3

Tau ye mò kéng se kuy, gel ye hemsidek kem dumu tau ne tau ye monok.

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.

Danyél 9:20

Tódô henlelu mni bè Dwata yóm sana kum Dwata hol gónó mogot ne benkasu ebéléen yó kem salà me mi kem tau Israél ne henkoduhu béléen yóm bud ketloben Jirusalim yóm kun bulul gónó nô bè yó.

Tekang Kbuten 32:31

Deng sut mata kdaw ne yóm kewót Jakub bè yó bè Pinyél, bede deng mom tugô lemwót bè yóm deng kesléhé lem hunuken.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Kem Lingón 24:10

Tau du de yóm hol dandónen geta yó? Du se yóm Dwata laen dù gónón là gemmò bè yó kem hohonen. Du se yóm hol dandónen geta.