Isaya 6:4 - Udél Dwata: Gna Kesfasad ne Lomi Kesfasad

⁴ Lemwót bè yóm uni yóm udél le, botong kmingò yóm Gónô Dwata ne tódô tfeng kebel lemen.

Isaya 6:4 Referans Kwoze

Deng Hegfan 15:8

Ne tódô henok kebel lem yóm Gónô Dwata lemwót bè yóm tey kegeta Dwata ne yóm tey kfasangen. Ne laen kô tagad husek elemen ke là dengen gotu yó kem hlayam nit yó kem hitu hógów Dwata.

Deng Hegfan 11:19

Yóm igò le dmóyón ke Dwata, tódô wen lemungkà du yóm Gónô Dwata bè longit, ne gfan bè yó yóm slungan gónóhen nô yó kem tehe fasad Dwata deng tehe snulat le. Ominen mkal yóm tey silà, ne sen-gengen se lemungkul, lel yóm tey leték, ne tey linol bong te tonok, lel yóm tey bulók kulón.

2 Tutul Israél 5:13

Yó kem tau mféw ne yó kem tau semngal, tódô le segeng dmóyón ke Dwata ne slamat le béléen. Segeng kul yó kem dumu tau mféw ne yó kem tau semdofì simbal, ne yó kem dumu gel huni le. Hgel le sngal le ne dóyón le Dwata, mon le, “Tey hyu yóm Dwata. Yóm kun kbong nawa là kóen monol ne laen kô dù tul sónen.” Bè yóm kmò le du yó, tódô tfeng lobun lem yóm Gónô Dwata.

Kehewà 40:34

Ominen lememek eta yóm Gónô Dwata yó yóm lobun tmahà gel tukô gna kul ne tódô tfeng lem yóm Gónô Dwata yóm tey layag Dwata alì sminang.

Amus 9:1

Ominu mton ke Dwata mdà klohok yóm gónó demsù. Dóken ou, monen, “Hgel bnogulem ta yó kem hehek Gónóu anì kmingò yó kem tgelen. Lenusokem yó kem htegen anì tbó yóm ketefen eta kulu yó kem tau nô laanen. Ke wen dù tau mowil, gotu bud hfatayu lu bè gida. Balù sotu ke wen glóy bélê le, ne là se wen gewà.

Kem Lingón 18:8

Hol lómón ke wen kebel semfut gu lem ilungen, ne lómón ke wen ofi msut gu lem baken, mung du bala ofi kemyóngón.

Isikél 1:24

Ke móyóng le, yóm uni lefluk le hol lómón ke luk yóm hikong bong ne lómón ke udél yóm Dwata laen dù là gbeken du, ne lómón ke hensag yóm tey sendalù wen. Ke là bud le móyóng tódô bud sentifes le se yó kem hafak le.