Isaya 6:2 - Udél Dwata: Gna Kesfasad ne Lomi Kesfasad

² Wen kem hógów Dwata mdà gu hilolen hol lómón ke dilóf ofi kmò le. Sket kul na nem hafak le. Yóm lewu hafak le lenimunen uyó le. Ne bud yóm lewu lenimunen ti le. Ne yóm lewu dù hafak le mit kul móyóng.

Isaya 6:2 Referans Kwoze

Deng Hegfan 4:8

Sket kul na nem hafak le. Tódô henok lówó le hono mata, balù laan hafak le. Tódô seflós kdaw ne kifu yóm tendo kesngal le. Yó utóm sngal le, monen, “Laen kô dù belenen yóm Dwata, bà udì. Du se hol gónó mogot bè klamangen, yóm laen dù là gbeken du. Bud du se yóm sana Dwata tenbut bè kbuten efet nim kmoen ni, ne du se yóm móyónen bud sut.”

Isikél 1:11

Ne wen fat hafak le yóm ket kul na sotu. Ke nból le eta yóm lewu hafak le, tódô stud bè tukô hafak yóm lewu kem dumu le sedà. Ne yóm dù lewu hafak le sentifes le ebè lówó le.

Kem Lingón 104:4

Lenos se mò fen gel hógówem, ne yóm silà, yó se mò tóbóng lówóhem.

Kem Lingón 103:20

Hol dóyón ye Dwata, yu kem alì kemgis ne alì gembek gel hógówen gu bè longit. Yu se yó kem tendo gel mimón du ke wen dóken, ne tendo gel hmungol du ke wen monen.

Isaya 6:6

Ominen lemwót yóm sotu bè yó kem mdà hilol Dwata, móyóng gu tta ebéléu wen bala ofi nwiten, snufiten gu bè yóm gónó le gel mtem yóm gel hboo le ebè Dwata.

Kem Lingón 18:10

Wen sotu hógówen alì kemgis snakayen boluyen sirubim. Móyóng, ne tey kehlóngen mung bè balu lenos.

1 Bok Kem Tau Hol Geta 6:24

Yóm ktahà ból yó kem lewu hafak yóm sotu sirubim, mukas fat mitru, ket hafak le sal mukas lewu mitru ktahaen.

Deng Hegfan 14:6

Kogolen bè yó, tódô tonu yóm sotu hógów Dwata móyóng hegeta te kmawang. Yó nmoen, tulónen yóm Tulón Hyu laen dù sónen lemwót bè Dwata. Tódô kentihen tau bè klamangen benwu gónón e gefet yóm tulónen yó, tódô gefet bè ket but tau, bè ket kay udél, ne bè ket ból tau.

Deng Hegfan 8:13

Ominu bud mkay ketngelu, tódô gungolu se yóm tey udél banug móyóng heklowong ditu ta gu te kmawang. Yó udélen, monen, “Wóyóy, wóyóy, wóyóy. Ya yu kem tau te tonok. Tey hlayam ye sok mféw yóm tlu dù hógów Dwata kedeng.”

Deng Hegfan 7:11

Ne mdà le bè yó se kul yóm kdê hógów Dwata gu bè longit. Gotu le mdà hilol yóm gónón myón yóm fen kmamal, ne hilol yó kem tau tuha, ne hilol yó kem fat mtulus. Ne tódô lemwót yó kem gel hógów Dwata, gotu le tódô lemfen bè solu yóm fen kmamal, ne tey kdóyón le du,

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Isikél 1:24

Ke móyóng le, yóm uni lefluk le hol lómón ke luk yóm hikong bong ne lómón ke udél yóm Dwata laen dù là gbeken du, ne lómón ke hensag yóm tey sendalù wen. Ke là bud le móyóng tódô bud sentifes le se yó kem hafak le.

Isikél 1:9

Yóm lewu hafak yó kem mowil yó, ke nból le tódô stud bè tukô hafak yóm lewu kem dumu le sedà. Gbek le móyóng kihu gónó le e solu anien ke là bud le beklil.

Isikél 1:6

Okóm yóm ket kul na sotu, sal fat uyó le ne fat se hafak le.

Job 1:6

Sotu kdaw bè yó, gotu le stifun bè solu Dwata yó kem hógówen nô bè longit ne mung bélê le bè yó Seitan.Snólók Dwata Seitan,

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

1 Bok Kem Tau Hol Geta 8:7

Lemwót yóm ból hafak le, tódô lenimunen yóm Slungan Dwata, ne gomong lenimunen snéen yó kem koyu gónó le tmihang du.

1 Bok Kem Tau Hol Geta 6:27

Sensdà Selumun lu lem yóm Dfél hol gónón nô Dwata bede smolu le ebè bak dól igò le mból yó kem hafak le. Yóm doli hafak yóm sotuhen, gdù bè beng. Ne yóm doli hafak yóm gewuhen, bud gdù bè doli beng. Bong yóm lewu dù hafak le, stud le bè gónón sóól yóm dfél yó.

Kem Lingón 89:7

Balù yó kem deng genlalem bè yó, gotu wen klikò le kóm. Tey kadat le kóm yóm kdê le.

Job 4:18

Yóm Dwata, là kô nan e snalig kul yó kem tóbóng lówóhen nô bè longit. Balù yó kem gel hógówen, là kô nan e snalig kul.

1 Bok Kem Tau Hol Geta 19:13

Bè yóm kungol Ilaydya du, botong snefengen nes uyóhen ne hewà mdà bè bak yóm kilib. Yó mon yóm mudél yó, “Ó Ilaydya, tedu se nmoem bè ni ni du?”

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Tekang Kbuten 17:3

Tódô hegdufok ebè tonok Abram.

Hibru 1:7

Ne yó fen udél Dwata gbak ebè yó kem gel hógówen, yó monen, “Yó kem gel hógówu gu bè longit, gbeku hembaling kul lenos duhen ke dilóf ofi.”

Kun Snulat Luk 1:10

Yóm igoen mtem du ditu lemen, fen le mdà bè lewaen kul yó kem tey tau wen. Yó nmò le, fen le mni bè Dwata.

Sikaraya 3:4

Duhen yó, yó udél yóm hógów Dwata ebè yó kem dumu mdà bè yó, monen, “Kó ye béléen yóm nes nusingen.” Ominen beklil ebè Jéswa ne monen mò du, “Ngem, deng kóhu béléem yó kem salaem ne ni blayu kóm yóm nes lomi là nusingen nii.”

Danyél 9:21

Yóm igou tolo mni, tódô tonu Gabrél yóm hógów Dwata deng tehe tonu bè yóm gna kwen hton Dwata do, tódô kentohen sut gu bè longit ne hlós ebéléu, uma kóm gbangà bè yóm udas me tehe gel demsù kimel.

Isikél 1:4

Yóm igou temngel, tódô tonu yóm tey lenos mbel fi gu bwak, mung du yóm tey lobun mfól alì sminang lel yóm tey silà mkal gu lemen. Wen ofi bè gónón sóól yóm lobun yó, mom sminang mélél hol lómón yóm tembaga deng hló.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.