Isaya 6:13 - Udél Dwata: Gna Kesfasad ne Lomi Kesfasad

¹³ Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Isaya 6:13 Referans Kwoze

Tekang Kbuten 22:18

Lemwót bè yóm tey kimónem dou, angat wen bè yó kem bólem gónóhu hlan du yóm tóbóngu yóm kdéen but tau talak tonok.”

Mark 13:20

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, laen kô tau bud mowil te tonok.

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Sulat Pol Ebè Yó Kem Tau Hemtahu Bè Rom 9:5

Tey tótól yó kem tehe fù le. Bud bè kul lugod snéen gónón sut Krays bè yóm kbalingen tau. Hol knóón ke laen dù sónen yóm kdóyón tekuy ke Dwata, yóm fen mogot yóm klamangen.

Matyu 24:22

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, bà sotu ke wen tau bud mowil te tonok.

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Amus 5:3

Yó udél yóm Dwata hol dandónen geta, monen, “Ke wen sotu bè yó kem syudad ye hógów lemibu sendalù ebè gida, tek lematu bud gulék du. Ne ke wen lematu sendalù hógówen ebè gida yóm sotu benwu udì, tek sfolò bud gulék du.”

Sikaraya 13:8

Bè klamang benwu Israél, olon kafi tau matay ne tek gbut mowil tebel le bè yó.

Dwata 28:62

Balù yóm deng tey kból ye ni kmoen ni, lómón kwen ye yó kem blotik bè longit, okóm bè yóm kdaw yó angat tek hilu dù mowil abay se là kô nimón ye ke Dwata yóm sana kuy Dwata hol gónó mogot.

Mika 5:6

Angat knamal le yóm benwu Asirya yóm tehe kun benwu Nimrod, mlan bè sudeng le. Ne lenwà le tekuy lem tdok yó kem tau Asirya ke sok bud tô nwa le yóm benwu tekuy.

Sifanaya 3:12

Yó kem dù tau tebelu bè Jirusalim, hono kem tau hulung heglaan, kem tau alì smalig bè yóm dou boluy.